ഇന്നും ആശ്വാസം; ചൊവ്വാഴ്ച ജില്ലയില്‍ കോവിഡ് സ്ഥിരീകരിച്ചത് 65 പേര്‍ക്ക്

കാസര്‍കോട്: ജില്ലയിലെ കോവിഡ് രോഗികളുടെ പ്രതിദിന എണ്ണത്തില്‍ ഇന്നും ആശ്വാസം. ജില്ലയില്‍ ഇന്ന് 65 പേര്‍ക്കാണ് കോവിഡ്-19 സ്ഥിരീകരിച്ചത്. ഇന്ന് കോവിഡ് സ്ഥിരീകരിച്ചതില്‍ 64 പേര്‍ക്കും സമ്പര്‍ക്കത്തിലൂടെയാണ് രോഗം സ്ഥിരീകരിച്ചത്. ഒരാള്‍ ഇതരസംസ്ഥാനത്ത് നിന്നെത്തിയതാണ്.

വീടുകളില്‍ 4014 പേരും സ്ഥാപനങ്ങളില്‍ 739 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 4753 പേരാണ്. പുതിയതായി 239 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 698 സാമ്പിളുകള്‍ കൂടി പരിശോധനയ്ക്ക് അയച്ചു. ഇതോടെ ഇതുവരെ പരിശോധനയ്ക്കയച്ച സാമ്പിളുകളുടെ എണ്ണം 1,25,141 ആയി. 279 പേരുടെ പരിശോധനാ ഫലം ലഭിക്കാനുണ്ട്. 466 പേര്‍ നിരീക്ഷണ കാലയളവ് പൂര്‍ത്തിയാക്കി. 64 പേരെ ആസ്പത്രികളിലും കോവിഡ് കെയര്‍ സെന്ററുകളിലുമായി പ്രവേശിപ്പിച്ചു. ആസ്പത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 202 പേരെ ഡിസ്ചാര്‍ജ് ചെയ്തു.

ചൊവ്വാഴ്ച കോവിഡ് സ്ഥിരീകരിച്ചവരുടെ തദ്ദേശ സ്വയംഭരണ സ്ഥാപനം തിരിച്ചുള്ള കണക്ക് ഇങ്ങനെ:

അജാനൂര്‍-4
ബദിയഡുക്ക-7
ചെമ്മനാട്-7
ചെങ്കള-3
ചെറുവത്തൂര്‍-1
കാഞ്ഞങ്ങാട്-10
കാറഡുക്ക-2
കാസര്‍കോട്-6
കോടോംബേളൂര്‍-1
കുമ്പള-2
മധൂര്‍-5
മഞ്ചേശ്വരം-1
മൊഗ്രാല്‍പുത്തൂര്‍-2
മുളിയാര്‍-1
നീലേശ്വരം-3
പള്ളിക്കര-3
പിലിക്കോട്-2
പുല്ലൂര്‍ പെരിയ-3
പുത്തിഗെ-2