തിരുവനന്തപുരം: സംസ്ഥാനത്ത് ഇന്ന് 34,694 പേര്ക്ക് കൂടി കോവിഡ് സ്ഥിരീകരിച്ചു. കാസര്കോട്ട് 1092 പേര്ക്ക് ഇന്ന് രോഗം സ്ഥിരീകരിച്ചു. തിരുവനന്തപുരം 4567, മലപ്പുറം 3997, എറണാകുളം 3855, തൃശൂര് 3162, കൊല്ലം 2992, പാലക്കാട് 2948, കോഴിക്കോട് 2760, കണ്ണൂര് 2159, ആലപ്പുഴ 2149, കോട്ടയം 2043, ഇടുക്കി 1284, പത്തനംതിട്ട 1204, വയനാട് 482 എന്നിങ്ങനേയാണ് മറ്റു ജില്ലകളില് ഇന്ന് രോഗം സ്ഥിരീകരിച്ചത്.
കഴിഞ്ഞ 24 മണിക്കൂറിനിടെ 1,31,375 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 26.41 ആണ്. റുട്ടീന് സാമ്പിള്, സെന്റിനല് സാമ്പിള്, സിബി നാറ്റ്, ട്രൂനാറ്റ്, പി.ഒ.സി.ടി. പി.സി.ആര്., ആര്.ടി. എല്.എ.എം.പി., ആന്റിജന് പരിശോധന എന്നിവ ഉള്പ്പെടെ ഇതുവരെ ആകെ 1,76,89,727 സാമ്പിളുകളാണ് പരിശോധിച്ചത്.
കഴിഞ്ഞ ദിവസങ്ങളിലുണ്ടായ 93 മരണങ്ങള് കോവിഡ് മൂലമാണെന്ന് സ്ഥിരീകരിച്ചതോടെ ആകെ മരണം 6243 ആയി. ഇന്ന് രോഗം സ്ഥിരീകരിച്ചവരില് 258 പേര് സംസ്ഥാനത്തിന് പുറത്ത് നിന്നും വന്നവരാണ്.
കാസര്കോട് ജില്ലയില് ചികിത്സയിലുണ്ടായിരുന്ന 733 പേര്ക്ക് കോവിഡ് നെഗറ്റീവായി. നിലവില് 17722 പേരാണ് കോവിഡ് ചികിത്സയിലുള്ളത്. ടെസ്റ്റ് പോസിറ്റീവിറ്റി റേറ്റ് 27.6 ശതമാനമാണ്.
വീടുകളില് 28428 പേരും സ്ഥാപനങ്ങളില് 1016 പേരുമുള്പ്പെടെ ജില്ലയില് ആകെ നിരീക്ഷണത്തിലുള്ളത് 29444 പേരാണ്. പുതിയതായി 6618 പേരെ കൂടി നിരീക്ഷണത്തിലാക്കി. സെന്റിനല് സര്വ്വേ അടക്കം പുതിയതായി 3708 സാമ്പിളുകള് കൂടി പരിശോധനയ്ക്ക് അയച്ചു. 1600 പേരുടെ പരിശോധനാ ഫലം ലഭിക്കാനുണ്ട്. 2859 പേര് നിരീക്ഷണ കാലയളവ് പൂര്ത്തിയാക്കി. 883 പേരെ ആസ്പത്രികളിലും കോവിഡ് കെയര് സെന്ററുകളിലുമായി നിരീക്ഷണത്തില് പ്രവേശിപ്പിച്ചു. ആസ്പത്രികളില് നിന്നും കോവിഡ് കെയര് സെന്ററുകളില് നിന്നും 287 പേരെ ഡിസ്ചാര്ജ് ചെയ്തു.
61524 പേര്ക്കാണ് ജില്ലയില് ഇതുവരെ കോവിഡ് സ്ഥിരീകരിച്ചത്. 43362 പേര്ക്ക് ഇതുവരെ കോവിഡ് നെഗറ്റീവായി.