തിരുവനന്തപുരം: സംസ്ഥാനത്ത് രണ്ട് പേര്ക്ക് കൂടി സിക്ക വൈറസ് സ്ഥിരീകരിച്ചു. ആരോഗ്യ വകുപ്പ് മന്ത്രി വീണാ ജോര്ജ് ആണ് ഇക്കാര്യം അറിയിച്ചത്. തിരുവനന്തപുരം കാട്ടായിക്കോണം സ്വദേശിനിയായ 41 കാരിക്കും കുമാരപുരം സ്വദേശിനിയായ 31കാരിയായ ഡോക്ടര്ക്കുമാണ് ചൊവ്വാഴ്ച രോഗം സ്ഥിരീകരിച്ചത്.
തിരുവനന്തപുരം മെഡിക്കല് കോളജ് വൈറോളജി ലാബില് നടത്തിയ പരിശോധനയിലാണ് സിക്ക വൈറസ് സ്ഥിരീകരിച്ചത്. ഇതോടെ സംസ്ഥാനത്ത് ആകെ സിക്ക സ്ഥിരീകരിച്ചവരുടെ എണ്ണം 37 ആയി. ഇതില് ഏഴ് പേരാണ് നിലവില് ചികിത്സയിലുള്ളത്. എല്ലാവരുടേയും ആരോഗ്യനില തൃപ്തികരമാണെന്ന് മന്ത്രി അറിയിച്ചു.