പിഗ്മി ഏജന്റിനെ തലക്കടിച്ച് വീഴ്ത്തിയും മലഞ്ചരക്ക് കടയിലും കവര്‍ച്ച നടത്തിയ കേസില്‍ രണ്ട് പേര്‍ അറസ്റ്റില്‍
മുള്ളേരിയ: പിഗ്മി ഏജന്റിനെ തലക്കടിച്ച് വീഴ്ത്തി പണം കവര്‍ന്ന കേസിലും മലഞ്ചരക്ക് കട കുത്തിത്തുറന്ന് കവര്‍ച്ച നടത്തിയ കേസിലും രണ്ട് പേര്‍ അറസ്റ്റില്‍. മുളിയാര്‍ ബാലനടുക്കം സ്വദേശിയും ബോവിക്കാനത്ത് ക്വാര്‍ട്ടേഴ്‌സില്‍ താമസക്കാരനുമായ മുഹമ്മദ് റഫീഖ് (26), അമ്മംങ്കോട് സ്വദേശി നൗഫല്‍ അലി (19) എന്നിവരെയാണ് ആദൂര്‍ എസ്.ഐമാരായ വിനോദ്കുമാര്‍, ഭാസ്‌കരന്‍ നായര്‍ എന്നിവരുടെ നേതൃത്വത്തില്‍ അറസ്റ്റ് ചെയ്തത്. ഈ മാസം നാലിന് രാത്രി യൂണിയന്‍ ബാങ്ക് ഓഫ് ഇന്ത്യയുടെ ബോവിക്കാനം ബ്രാഞ്ചിലെ പിഗ്മി ഏജന്റ് എട്ടാംമൈലിലെ രാമകൃഷ്ണന്‍ […]
മുള്ളേരിയ: പിഗ്മി ഏജന്റിനെ തലക്കടിച്ച് വീഴ്ത്തി പണം കവര്‍ന്ന കേസിലും മലഞ്ചരക്ക് കട കുത്തിത്തുറന്ന് കവര്‍ച്ച നടത്തിയ കേസിലും രണ്ട് പേര്‍ അറസ്റ്റില്‍. മുളിയാര്‍ ബാലനടുക്കം സ്വദേശിയും ബോവിക്കാനത്ത് ക്വാര്‍ട്ടേഴ്‌സില്‍ താമസക്കാരനുമായ മുഹമ്മദ് റഫീഖ് (26), അമ്മംങ്കോട് സ്വദേശി നൗഫല്‍ അലി (19) എന്നിവരെയാണ് ആദൂര്‍ എസ്.ഐമാരായ വിനോദ്കുമാര്‍, ഭാസ്‌കരന്‍ നായര്‍ എന്നിവരുടെ നേതൃത്വത്തില്‍ അറസ്റ്റ് ചെയ്തത്. ഈ മാസം നാലിന് രാത്രി യൂണിയന്‍ ബാങ്ക് ഓഫ് ഇന്ത്യയുടെ ബോവിക്കാനം ബ്രാഞ്ചിലെ പിഗ്മി ഏജന്റ് എട്ടാംമൈലിലെ രാമകൃഷ്ണന്‍ […]
മുള്ളേരിയ: പിഗ്മി ഏജന്റിനെ തലക്കടിച്ച് വീഴ്ത്തി പണം കവര്‍ന്ന കേസിലും മലഞ്ചരക്ക് കട കുത്തിത്തുറന്ന് കവര്‍ച്ച നടത്തിയ കേസിലും രണ്ട് പേര്‍ അറസ്റ്റില്‍. മുളിയാര്‍ ബാലനടുക്കം സ്വദേശിയും ബോവിക്കാനത്ത് ക്വാര്‍ട്ടേഴ്‌സില്‍ താമസക്കാരനുമായ മുഹമ്മദ് റഫീഖ് (26), അമ്മംങ്കോട് സ്വദേശി നൗഫല്‍ അലി (19) എന്നിവരെയാണ് ആദൂര്‍ എസ്.ഐമാരായ വിനോദ്കുമാര്‍, ഭാസ്‌കരന്‍ നായര്‍ എന്നിവരുടെ നേതൃത്വത്തില്‍ അറസ്റ്റ് ചെയ്തത്. ഈ മാസം നാലിന് രാത്രി യൂണിയന്‍ ബാങ്ക് ഓഫ് ഇന്ത്യയുടെ ബോവിക്കാനം ബ്രാഞ്ചിലെ പിഗ്മി ഏജന്റ് എട്ടാംമൈലിലെ രാമകൃഷ്ണന്‍ ആചാരി(73)യെ വീട്ടിലേക്ക് നടന്നു പോകുന്നതിനിടെ ബൈക്കിലെത്തിയ സംഘം തലക്കടിച്ച് വീഴ്ത്തി 23,000 രൂപയും മറ്റു രേഖകളുമടങ്ങിയ ബാഗ് തട്ടിപ്പറിച്ച് കടന്ന് കളയുകയായിരുന്നു. കഴിഞ്ഞ മാസം 29ന് രാത്രിയാണ് പേരടുക്ക സ്വദേശി സനോജിന്റെ ഉടമസ്ഥതയില്‍ ബോവിക്കാനം ടൗണില്‍ പ്രവര്‍ത്തിക്കുന്ന മലഞ്ചരക്ക് കട കുത്തിത്തുറന്ന് രണ്ട് കിന്റല്‍ അടക്കയും 25 കിലോ കുരുമുളകും കവര്‍ന്നത്. പിഗ്മി ഏജന്റിനെ തലക്കടിച്ച് വീഴ്ത്തി പണം കവര്‍ന്ന കേസില്‍ പിടികൂടി ചോദ്യം ചെയ്യുന്നതിനിടെയാണ് മലഞ്ചരക്ക് കടയിലെയും കവര്‍ച്ചക്ക് തുമ്പുണ്ടായത്. സിവില്‍ പൊലീസ് ഓഫീസര്‍മാരായ ചന്ദ്രന്‍ കുറ്റിക്കോല്‍, ഗുരുരാജ്, അജയ് വില്‍സണ്‍, സുരേഷ് പാണത്തൂര്‍, ഉതേഷ് എന്നിവര്‍ അന്വേഷണ സംഘത്തിലുണ്ടായിരുന്നു.
