മഞ്ചേശ്വരം: ബസ് യാത്രക്കിടെ സെക്യൂരിറ്റി ജീവനക്കാരന്റെ പണം പോക്കറ്റടിച്ച കേസില്‍ രണ്ടുപേരെ മഞ്ചേശ്വരം സ്റ്റേഷന്‍ ഹൗസ് ഓഫീസര്‍ എ. സന്തോഷ് കുമാറും സംഘവും അറസ്റ്റ് ചെയ്തു.
കോഴിക്കോട് സ്വദേശികളും കാഞ്ഞങ്ങാട്ട് താമസക്കാരുമായ പ്രഭീഷ് (31), സജിത്ത് (32) എന്നിവരാണ് അറസ്റ്റിലായത്. കാസര്‍കോട്ടെ ബാങ്കിലെ സെക്യൂരിറ്റി ജീവനക്കാരന്‍ വിജയന്റെ പണമാണ് കഴിഞ്ഞ ദിവസം കവര്‍ന്നത്. ട്രാന്‍സ്‌പോര്‍ട്ട് ബസില്‍ യാത്ര ചെയ്യുന്നതിനിടെ തലപ്പാടിയില്‍ വെച്ചാണ് പോക്കറ്റടിക്ക് ഇരയായത്. 5000 രൂപയാണ് കവര്‍ന്നത്. വിജയന്‍ ബഹളം വെക്കുന്നതിനിടെ ബസിലെ യാത്രക്കാര്‍ ചേര്‍ന്നാണ് പ്രഭീഷിനെ പിടികൂടിയത്. അതിനിടെ ഓടി രക്ഷപ്പെടാന്‍ ശ്രമിച്ച സജിത്തിനേയും പിടികൂടുകയായിരുന്നു.
