കുമ്പള: കൊലക്കേസടക്കം അഞ്ചോളം കേസുകളില്‍ പ്രതിയായ ഷിറിയ സ്വദേശിയെ കുമ്പള പൊലീസ് കാപ്പ ചുമത്തി അറസ്റ്റ് ചെയ്തു. ഷിറിയയിലെ മുഹമ്മദ് റഫീഖ് എന്ന അപ്പി റഫീഖി(29)നെയാണ് കാസര്‍കോട് ഡി.വൈ.എസ്.പി പി.ബാലകൃണ നായരുടെ നേതൃത്വത്തിലുള്ള സംഘവും കുമ്പള സ്‌റ്റേഷന്‍ ഹൗസ് ഓഫീസര്‍ പ്രമോദ്, എസ്.ഐ.വി കെ.അനീഷ് എന്നിവരും ചേര്‍ന്ന് ഇന്നലെ രാത്രി ബന്തിയോട് വെച്ച് പിടികൂടിയത്.
ഉപ്പളയിലെ പെയിന്റിംഗ് തൊഴിലാളി മുഹമ്മദ് അല്‍ത്താഫിനെ കാറില്‍ തട്ടികൊണ്ടു പോയി കര്‍ണാടകയില്‍ വെച്ച് കൊലപ്പെടുത്തിയ കേസിലും മറ്റ് നാല് കേസുകളിലും പ്രതിയാണ് റഫീഖ് എന്ന് പൊലീസ് പറഞ്ഞു.
