കൊച്ചി: വാണിജ്യ ആവശ്യത്തിനുള്ള പാചക വാതക സിലിണ്ടറിന് വില കുത്തനെ കൂട്ടി വീണ്ടും ഇരുട്ടടി. ഒരു സിലിണ്ടറിന് 101 രൂപയാണ് ഒറ്റയടിക്ക് വര്‍ധിപ്പിച്ചത്. കേരളത്തില്‍ ഇതോടെ വാണിജ്യ സിലിണ്ടറിന്റെ വില 2095 രൂപയായി. ദില്ലിയില്‍ 2101 രൂപയും ചെന്നൈയില്‍ 2,233 രൂപയുമാണ് സിലിണ്ടറിന്റെ വില.
ഗാര്‍ഹിക ആവശ്യത്തിനുള്ള സിലിണ്ടറിന്റെ വിലയില്‍ മാറ്റമില്ലെങ്കിലും വാണിജ്യാവശ്യത്തിനുള്ള പാചകവാതക വില ഒറ്റയടിക്ക് വര്‍ധിപ്പിച്ചത് ഹോട്ടലുകളില്‍ വില വര്‍ധനക്ക് ഇടയാക്കിയേക്കും. കഴിഞ്ഞ നവംബര്‍ ഒന്നിനും വാണിജ്യ ആവശ്യങ്ങള്‍ക്കുള്ള സിലണ്ടറിന് വില വര്‍ദ്ധിപ്പിച്ചിരുന്നു. അന്ന് 266 രൂപയാണ് കൂട്ടിയത്.
