മുന്നാട്: വ്യാപാരി ഹൃദയാഘാതം മൂലം മരിച്ചു. കുറ്റിക്കോല്‍ ടൗണില്‍ ഫാന്‍സി കട നടത്തുന്ന മുന്നാട് അരിച്ചെപ്പ് സ്വദേശി പി. രത്‌നാകര(50)നാണ് ഇന്ന് പുലര്‍ച്ചെ മരിച്ചത്. നെഞ്ചുവേദന അനുഭവപ്പെട്ട രത്‌നാകരനെ ഉടന്‍ ചെങ്കള ഇ.കെ. നായനാര്‍ സഹകരണ ആസ്ത്രിയില്‍ എത്തിച്ചെങ്കിലും രക്ഷിക്കാനായില്ല. കുറ്റിക്കോല്‍ ഞെരുവിലെ പരേതനായ കുഞ്ഞിരാമന്‍ നായരുടെയും പി. സുശീലയുടെയും മകനാണ്. സതിയാണ് ഭാര്യ. മക്കള്‍: മഞ്ജിമ, ഗീതു. കുറ്റിക്കോലില്‍ വ്യാപാരികള്‍ ഹര്‍ത്താലാചരിച്ചു.
