കാസര്‍കോട്: ഉളിയത്തടുക്ക നാഷണല്‍ നഗറില്‍ അടച്ചിട്ട വീട് കുത്തിത്തുറന്ന് 7 പവന്‍ സ്വര്‍ണ്ണാഭരണങ്ങള്‍ കവര്‍ന്നു. നാഷണല്‍ നഗറിലെ ജലാലിന്റെ വീട്ടിലാണ് കവര്‍ച്ച നടന്നത്. 28ന് ജലാലിന്റെ ഭാര്യ ആയിഷ മഞ്ചേശ്വരത്തെ സ്വന്തം വീട്ടില്‍ പോയിരുന്നു. ഇന്നലെ രാവിലെ തിരിച്ചെത്തിയപ്പോഴാണ് വീടിന്റെ വാതില്‍ പൂട്ട് പൊളിച്ച നിലയില്‍ കണ്ടത്. അകത്തെ അലമാരയില്‍ സൂക്ഷിച്ച മോതിരം, മാല എന്നിവയടക്കമുള്ള സ്വര്‍ണ്ണാഭരണങ്ങളാണ് കവര്‍ന്നത്. അലമാരയില്‍ ഉണ്ടായിരുന്ന വസ്ത്രങ്ങള്‍ വാരിവലിച്ചെറിഞ്ഞ നിലയിലാണ്. ആയിഷയുടെ പരാതിയില്‍ കാസര്‍കോട് പൊലീസ് കേസെടുത്തു. അന്വേഷണം നടത്തി വരികയാണ്.
