തിരുവനന്തപുരം: സംസ്ഥാനത്ത് ബസ്, ഓട്ടോ, ടാക്സി നിരക്ക് വര്ധിപ്പിക്കാന് മന്ത്രിസഭാ യോഗം തീരുമാനിച്ചു. ബസ്സുകളുടെ മിനിമം നിരക്ക് പത്ത് രൂപയാക്കാനും ഓട്ടോ മിനിമം ചാര്ജ്ജ് 25 രൂപയില് നിന്നും 30 രൂപയാക്കാനും തീരുമാനിച്ചു. ബസ് ചാര്ജ് കിലോ മീറ്ററിന് ഒരു രൂപ കൂട്ടും. നിരക്ക് വര്ധന സംബന്ധിച്ച വിജ്ഞാപനം ഉടന് പുറത്തിറങ്ങും.
ടാക്സി മിനിമം ചാര്ജ്ജ് ഇരുന്നൂറാക്കും. മെയ് ഒന്ന് മുതല് നിരക്ക് വര്ദ്ധന പ്രാബല്യത്തില് വരാനാണ് സാധ്യത. വിദ്യാര്ത്ഥികളുടെ നിരക്ക് പരിഷ്ക്കരിക്കുന്നത് പഠിക്കാന് ഇന്ന് കമ്മീഷനെ വെക്കും. ജസ്റ്റിസ് രാമചന്ദ്രന് കമ്മീഷന് ശുപാര്ശ പ്രകാരം മാര്ച്ച് 30ന് ചേര്ന്ന എല്.ഡി.എഫ് യോഗം നിരക്ക് വര്ദ്ധനക്ക് അനുകൂലമായി തീരുമാനമെടുത്തിരുന്നുവെങ്കിലും വിഷു, ഈസ്റ്റര് അടക്കമുള്ള ആഘോഷങ്ങള് കഴിയാന് കാത്തിരിക്കുകയായിരുന്നു സര്ക്കാര്.