സംസ്ഥാന ബജറ്റ്: പെട്രോള്-ഡീസല് വില 2 രൂപ കൂടും, മദ്യത്തിനും വില കൂട്ടി, വാഹനവിലയും ഉയരും
തിരുവനന്തപുരം: ഇന്ധന വിലയും മദ്യ വിലയും വാഹന നികുതിയും വൈദ്യുതി തീരുവയും കൂട്ടിയതുള്പ്പെടെ സാധാരക്കാരുടെ ജീവിത ചെലവ് ഉയര്ത്തുന്ന സംസ്ഥാന ബജറ്റ് ധനമന്ത്രി കെ.എന്. ബാലഗോപാല് നിയമസഭയില് അവതരിപ്പിച്ചു. പെട്രോളിനും ഡീസലിനും രണ്ട് രൂപ വീതം കൂടും. പെട്രോള്, ഡീസല് എന്നിവയ്ക്ക് ലിറ്ററിന് രണ്ട് രൂപാ നിരക്കില് സാമൂഹ്യ സുരക്ഷാ സെസ് ഏര്പ്പെടുത്തുമെന്നാണ് ബജറ്റിലെ സുപ്രധാന പ്രഖ്യാപനം. ഇതിലൂടെ സാമൂഹ്യസുരക്ഷാ സീഡ് ഫണ്ടിലേയ്ക്ക് അധികമായി 750 കോടി രൂപയാണ് പ്രതീക്ഷിക്കുന്നതെന്ന് ധനമന്ത്രി പറഞ്ഞു.കൂടാതെ, വിദേശ മദ്യ വിലയും […]
തിരുവനന്തപുരം: ഇന്ധന വിലയും മദ്യ വിലയും വാഹന നികുതിയും വൈദ്യുതി തീരുവയും കൂട്ടിയതുള്പ്പെടെ സാധാരക്കാരുടെ ജീവിത ചെലവ് ഉയര്ത്തുന്ന സംസ്ഥാന ബജറ്റ് ധനമന്ത്രി കെ.എന്. ബാലഗോപാല് നിയമസഭയില് അവതരിപ്പിച്ചു. പെട്രോളിനും ഡീസലിനും രണ്ട് രൂപ വീതം കൂടും. പെട്രോള്, ഡീസല് എന്നിവയ്ക്ക് ലിറ്ററിന് രണ്ട് രൂപാ നിരക്കില് സാമൂഹ്യ സുരക്ഷാ സെസ് ഏര്പ്പെടുത്തുമെന്നാണ് ബജറ്റിലെ സുപ്രധാന പ്രഖ്യാപനം. ഇതിലൂടെ സാമൂഹ്യസുരക്ഷാ സീഡ് ഫണ്ടിലേയ്ക്ക് അധികമായി 750 കോടി രൂപയാണ് പ്രതീക്ഷിക്കുന്നതെന്ന് ധനമന്ത്രി പറഞ്ഞു.കൂടാതെ, വിദേശ മദ്യ വിലയും […]

തിരുവനന്തപുരം: ഇന്ധന വിലയും മദ്യ വിലയും വാഹന നികുതിയും വൈദ്യുതി തീരുവയും കൂട്ടിയതുള്പ്പെടെ സാധാരക്കാരുടെ ജീവിത ചെലവ് ഉയര്ത്തുന്ന സംസ്ഥാന ബജറ്റ് ധനമന്ത്രി കെ.എന്. ബാലഗോപാല് നിയമസഭയില് അവതരിപ്പിച്ചു. പെട്രോളിനും ഡീസലിനും രണ്ട് രൂപ വീതം കൂടും. പെട്രോള്, ഡീസല് എന്നിവയ്ക്ക് ലിറ്ററിന് രണ്ട് രൂപാ നിരക്കില് സാമൂഹ്യ സുരക്ഷാ സെസ് ഏര്പ്പെടുത്തുമെന്നാണ് ബജറ്റിലെ സുപ്രധാന പ്രഖ്യാപനം. ഇതിലൂടെ സാമൂഹ്യസുരക്ഷാ സീഡ് ഫണ്ടിലേയ്ക്ക് അധികമായി 750 കോടി രൂപയാണ് പ്രതീക്ഷിക്കുന്നതെന്ന് ധനമന്ത്രി പറഞ്ഞു.
കൂടാതെ, വിദേശ മദ്യ വിലയും കൂടും. 500 രൂപ മുതല് 999 രൂപ വരെ വില വരുന്ന ഇന്ത്യന് നിര്മിത വിദേശമദ്യത്തിന് ഒരു ബോട്ടിലിന് 20 രൂപാനിരക്കിലും 1000 രൂപാ മുതല് മുകളിലോട്ട് വില വരുന്ന മദ്യത്തിന് ബോട്ടിലിന് 40 രൂപാ നിരക്കിലും ഒരു സാമൂഹ്യ സുരക്ഷാ സെസ്സ് ഏര്പ്പെടുത്തും. 400 കോടി രൂപയാണ് ഇതിലൂടെ സര്ക്കാര് അധികമായി പ്രതീക്ഷിക്കുന്നത്. സംസ്ഥാന ബജറ്റില് കെട്ടിട നികുതിയും പരിഷ്കരിച്ചു. ഭൂമിയുടെ ന്യായവില 20 ശതമാനം കൂട്ടി.
മോട്ടോര് വാഹന നികുതി കൂട്ടി, ഇലക്ട്രിക് വാഹനങ്ങളുടെ നികുതി 5 ശതമാനമാക്കി കുറച്ചു. ഭൂമി, കെട്ടിട നികുതിയില് വലിയ പരിഷ്കാരമാണ് സര്ക്കാര് വരുത്തിയത്. ഒഴിഞ്ഞു കിടക്കുന്ന കെട്ടിട്ടങ്ങള്ക്ക് പ്രത്യേക നികുതി കൊണ്ടുവരും. ഒന്നിലേറെ വീടുകള്ക്ക് പ്രത്യേക നികുതി ഏര്പ്പെടുത്തി. പട്ടയ ഭൂമിയിലെ നികുതി ഭൂനിവിയോഗത്തിന് അനുസരിച്ച് പരിഷ്കരിക്കുമെന്നും ബജറ്റില് പറയുന്നു. തദ്ദേശ സ്വയംഭരണ സ്ഥാപനങ്ങള് ഈടാക്കുന്ന കെട്ടിട നികുതി കുറേക്കാലമായി നടപ്പാക്കിയിട്ടില്ലെന്നും സര്ക്കാര് വ്യക്തമാക്കി. അപേക്ഷാ ഫീസ്, കെട്ടിട നിര്മാണത്തിനുള്ള പെര്മിറ്റ് ഫീസ് എന്നിവയും പരിഷ്കരിക്കും.
ഒരു വ്യക്തിയുടെ ഉടമസ്ഥതയിലുള്ള ഒന്നിലധികം വീടുകള്ക്കും പുതിയതായി നിര്മിച്ചതും ഒഴിഞ്ഞു കിടക്കുന്നതുമായ വീടുകള്ക്കും നികുതി ചുമത്തി. ഭൂമി, കെട്ടിട നികുതി പരിഷ്കാരത്തിലൂടെ ഏകദേശം 1000 കോടിയുടെ വരുമാന വര്ധനവാണ് സംസ്ഥാന സര്ക്കാര് പ്രതീക്ഷിക്കുന്നത്. ഖനന മേഖലയില് നികുതി വര്ധിപ്പിക്കാനും പാറകളുടെ വലിപ്പവും തരവും അടിസ്ഥാനത്തില് റോയല്റ്റി പരിഷ്കരിക്കാനും തീരുമാനമായി.