കാസര്കോട്: കനത്ത മഴ തുടരുന്ന സാഹചര്യത്തില് സംസ്ഥാനത്ത് വിവിധ ജില്ലകളില് തിങ്കളാഴ്ച (15.11.2021) വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു. അതിശക്തമായ മഴ തുടരുന്നതിനാല് കാലാവസ്ഥ വകുപ്പ് കാസര്കോട് ജില്ലയില് ഓറഞ്ച് അലര്ട്ട് പ്രഖ്യാപിച്ച സാഹചര്യത്തില് ജില്ലയിലെ എല്ലാ വിദ്യാലയങ്ങള്ക്കും തിങ്കളാഴ്ച അവധിയായിരിക്കുമെന്ന് ജില്ലാ കലക്ടര് ഭണ്ഡാരി സ്വാഗത് രണ്വീര് ചന്ദ് അറിയിച്ചു. ജില്ലയില് കോളേജുകള്ക്ക് അവധി ബാധകമല്ല.
കാസര്കോട് കൂടാതെ പത്തനംതിട്ട, ആലപ്പുഴ, കൊല്ലം, കോട്ടയം, എറണാകുളം ജില്ലകളിലും അതാത് ജില്ലാ ഭരണകൂടങ്ങള് വിദ്യാഭ്യാസ സ്ഥാപനങ്ങള്ക്ക് തിങ്കളാഴ്ച അവധി പ്രഖ്യാപിച്ചിട്ടുണ്ട്. പത്തനംതിട്ട, ആലപ്പുഴ, കോട്ടയം, കൊല്ലം ജില്ലകളില് പ്രൊഫഷനല് കോളജ് ഉള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കുമാണ് തിങ്കളാഴ്ച അവധി പ്രഖ്യാപിച്ചത്.
അതേസമയം, തിരുവനന്തപുരം ജില്ലയില് മലയോര മേഖലകള് ഉള്പ്പെടുന്ന രണ്ട് താലൂക്കുകളില് സ്കൂളുകള്ക്ക് അവധി പ്രഖ്യാപിച്ചു. നെടുമങ്ങാട്, കാട്ടാക്കട താലൂക്കുകളിലെ സ്കൂളുകള്ക്കാണ് തിരുവനന്തപുരം ജില്ലാ കലക്ടര് അവധി പ്രഖ്യാപിച്ചത്.