കര്‍ഷക കൂട്ടായ്മയില്‍ തടയണകള്‍ ഒരുങ്ങി; പുഴകളും തോടുകളും ജലസമൃദ്ധമായി
അശോക് നീര്‍ച്ചാല്‍ബദിയടുക്ക: വേനല്‍ മഴയുടെ ലഭ്യത കുറഞ്ഞ് പുഴകളും തോടുകളും അടക്കമുള്ള ജല സ്രോതസ്സുകള്‍ വറ്റാന്‍ തുടങ്ങിയതോടെ കര്‍ഷകര്‍ പരമ്പരാഗത വഴി സ്വീകരിച്ച് തുടങ്ങി. വര്‍ഷങ്ങള്‍ക്കു മുമ്പ് വരെ പരമ്പരഗതമായി നിര്‍മ്മിച്ചിരുന്ന തടയണകളായിരുന്നു കാര്‍ഷിക വിളകള്‍ക്കുള്ള വെള്ളത്തിനായി കര്‍ഷകര്‍ ആശ്രയിച്ചിരുന്നത്. നേരത്തെ തടയണ നിര്‍മ്മാണത്തിന് ധനസഹായം ലഭിച്ചിരുന്നു. തൊഴിലുറപ്പ് പദ്ധതി നടപ്പിലായതോടെ ജലസംരക്ഷണം ഉറപ്പ് വരുത്തുന്നതിന് വേണ്ടിയുള്ള തടയണ നിര്‍മ്മാണ പ്രവര്‍ത്തനം തൊഴിലുറപ്പ് പദ്ധതിയില്‍ നടപ്പാക്കണമെന്ന ഉത്തരവ് സര്‍ക്കാര്‍ പുറപ്പെടുവിച്ചിരുന്നു. ഇത് ഒരു പരിധി വരെയെങ്കിലും കര്‍ഷകര്‍ക്ക് […]
അശോക് നീര്‍ച്ചാല്‍ബദിയടുക്ക: വേനല്‍ മഴയുടെ ലഭ്യത കുറഞ്ഞ് പുഴകളും തോടുകളും അടക്കമുള്ള ജല സ്രോതസ്സുകള്‍ വറ്റാന്‍ തുടങ്ങിയതോടെ കര്‍ഷകര്‍ പരമ്പരാഗത വഴി സ്വീകരിച്ച് തുടങ്ങി. വര്‍ഷങ്ങള്‍ക്കു മുമ്പ് വരെ പരമ്പരഗതമായി നിര്‍മ്മിച്ചിരുന്ന തടയണകളായിരുന്നു കാര്‍ഷിക വിളകള്‍ക്കുള്ള വെള്ളത്തിനായി കര്‍ഷകര്‍ ആശ്രയിച്ചിരുന്നത്. നേരത്തെ തടയണ നിര്‍മ്മാണത്തിന് ധനസഹായം ലഭിച്ചിരുന്നു. തൊഴിലുറപ്പ് പദ്ധതി നടപ്പിലായതോടെ ജലസംരക്ഷണം ഉറപ്പ് വരുത്തുന്നതിന് വേണ്ടിയുള്ള തടയണ നിര്‍മ്മാണ പ്രവര്‍ത്തനം തൊഴിലുറപ്പ് പദ്ധതിയില്‍ നടപ്പാക്കണമെന്ന ഉത്തരവ് സര്‍ക്കാര്‍ പുറപ്പെടുവിച്ചിരുന്നു. ഇത് ഒരു പരിധി വരെയെങ്കിലും കര്‍ഷകര്‍ക്ക് […]
അശോക് നീര്‍ച്ചാല്‍
ബദിയടുക്ക: വേനല്‍ മഴയുടെ ലഭ്യത കുറഞ്ഞ് പുഴകളും തോടുകളും അടക്കമുള്ള ജല സ്രോതസ്സുകള്‍ വറ്റാന്‍ തുടങ്ങിയതോടെ കര്‍ഷകര്‍ പരമ്പരാഗത വഴി സ്വീകരിച്ച് തുടങ്ങി. വര്‍ഷങ്ങള്‍ക്കു മുമ്പ് വരെ പരമ്പരഗതമായി നിര്‍മ്മിച്ചിരുന്ന തടയണകളായിരുന്നു കാര്‍ഷിക വിളകള്‍ക്കുള്ള വെള്ളത്തിനായി കര്‍ഷകര്‍ ആശ്രയിച്ചിരുന്നത്. നേരത്തെ തടയണ നിര്‍മ്മാണത്തിന് ധനസഹായം ലഭിച്ചിരുന്നു. തൊഴിലുറപ്പ് പദ്ധതി നടപ്പിലായതോടെ ജലസംരക്ഷണം ഉറപ്പ് വരുത്തുന്നതിന് വേണ്ടിയുള്ള തടയണ നിര്‍മ്മാണ പ്രവര്‍ത്തനം തൊഴിലുറപ്പ് പദ്ധതിയില്‍ നടപ്പാക്കണമെന്ന ഉത്തരവ് സര്‍ക്കാര്‍ പുറപ്പെടുവിച്ചിരുന്നു. ഇത് ഒരു പരിധി വരെയെങ്കിലും കര്‍ഷകര്‍ക്ക് സഹായകമായിരുന്നു. എന്നാല്‍ തൊഴിലുറപ്പ് നിയമപ്രകാരം തടയണ പ്രവൃത്തി നടപ്പാക്കേണ്ടെന്ന കേന്ദ്ര സര്‍ക്കാര്‍ നിര്‍ദ്ദേശം കര്‍ഷകര്‍ക്ക് വിനയായി. ഇതോടെ തടയണ നിര്‍മ്മാണവും നിലച്ചു. എണ്‍മകജെ പഞ്ചാത്തിലൂടെ കടന്നുപോകുന്ന അഡ്ക്കസ്ഥല പുഴയില്‍ അഡ്ക്കസ്ഥല, ബാക്കിലപ്പദവ്, കളത്തടുക്ക, എരുഗല്ല് എന്നിവിടങ്ങളിലും ബദിയടുക്ക, കുമ്പഡാജെ, ബെള്ളൂര്‍, കാറഡുക്ക, പുത്തിഗെ തുടങ്ങിയ പഞ്ചായത്തുകളിലും പുഴകള്‍ക്കും തോടുകള്‍ക്കും കുറുകെ തടയണകള്‍ നിര്‍മ്മിച്ചിരുന്നു. ഡിസംബര്‍ അവസാനം പണിതീരുന്ന തരത്തിലായിരുന്നു നിര്‍മ്മാണം. ഇതുവഴി പ്രദേശത്തെ കിണര്‍, കുഴല്‍ കിണര്‍, തോട് തുടങ്ങിയ ജലസ്രോതസ്സുകളില്‍ ജലവിതാനം ഉയരുകയും കാലവര്‍ഷം തുടങ്ങുന്നത് വരെ ജലം ലഭിക്കാനും കാരണമായിരുന്നു. സമീപ പ്രദേശങ്ങളിലെ കാര്‍ഷിക വിളകള്‍ക്ക് ജല സേചനത്തിനുള്ള വെള്ളം ലഭിച്ചിരുന്നു. ഏറ്റവും കൂടുതല്‍ തെങ്ങ്, കവുങ്ങ്, നെല്ല്, പച്ചക്കറി തുടങ്ങിയവ കൃഷിചെയ്യുന്ന കര്‍ഷകരാണുള്ളത്. കോണ്‍ക്രിറ്റ് തടയണകള്‍ക്ക് മാത്രം സാമ്പത്തിക സഹായം നല്‍കിയാല്‍ മതിയെന്ന കേന്ദ്ര നിര്‍ദ്ദേശം വന്നതോടെ താല്‍ക്കാലിക തടയണ നിര്‍മ്മാണം നിലക്കാന്‍ കാരണമായി. അരനൂറ്റാണ്ട് മുമ്പേ കര്‍ഷകര്‍ കണ്ടെത്തിയ മാര്‍ഗ്ഗമാണ് തടയണ വഴിയുള്ള ജല സംരക്ഷണം. ഉള്‍ഭാഗത്തെ ചെറു തോടുകള്‍ക്കും തടയണ പണിതിരുന്നു. കാലവര്‍ഷം തുടങ്ങുമ്പോള്‍ പൊളിച്ച് മാറ്റുന്നതാണ് ഇതിന്റെ രീതി. കല്ലും മണ്ണും ഉപയോഗിച്ച് പ്രകൃതിക്കിണങ്ങിയ രീതിയിലായിരുന്നു നിര്‍മ്മാണം. തടയണകളില്‍ ഏക്കറോളം വെള്ളം കെട്ടിനില്‍ക്കുന്നത് വേനല്‍ക്കാലത്തെ പതിവ് കാഴ്ചയായിരുന്നു. തൊഴിലുറപ്പ് പദ്ധതി നടപ്പില്‍ വരുന്നതിന് മുമ്പ് പ്രദേശത്തെ കര്‍ഷകര്‍ കൂട്ടായി വിഹിതമെടുത്താണ് ഇവ നിര്‍മ്മിച്ചിരുന്നത്. നാമമാത്രമായ സഹായമാണ് പഞ്ചായത്ത് അധികൃതര്‍ ചെയ്തിരുന്നത്. മാത്രവുമല്ല തടയണകളുടെ കണക്കും സൂക്ഷിച്ചിരുന്നു. ഒരു തടയണക്ക് 50,000 രൂപ വരെയായിരുന്നു ചിലവ്. സ്ഥിരം തടയണകളില്‍ നിന്നുമുണ്ടാകുന്ന ചോര്‍ച്ചയും ആയിരം അടിവരെ താഴ്ചയില്‍ കിടക്കുന്ന കുഴല്‍ക്കിണറുകളിലെ വെള്ളം വര്‍ഷങ്ങള്‍ക്കകം വറ്റുന്നതും താല്‍ക്കാലിക തടയണകളുടെ പ്രധാന്യം ഏറിയതായി പറയുമ്പോഴും പലരും തടയണ നിര്‍മ്മാണത്തില്‍ നിന്നും പിന്തിരിഞ്ഞു. അതേസമയം കാര്‍ഷിക ആവശ്യത്തിനുള്ള ജല ലഭ്യത കണക്കിലെടുത്ത് കര്‍ഷകരില്‍ പലരും തടയണ നിര്‍മ്മാണവുമായി രംഗത്ത് വന്നതോടെ പഴയകാലത്തെ പോലെ തന്നെ പുഴകളും തോടുകളും ജലം കെട്ടി നില്‍ക്കുന്നതോടൊപ്പം സമീപത്തെ കിണറുകളിലും കുളങ്ങളിലും ജല നിരപ്പ് വര്‍ദ്ധിക്കുകയായിരുന്നു.
