മംഗല്‍പ്പാടി: പ്രസിദ്ധമായ ഇച്ചിലങ്കോട് മാലിക് ദീനാര്‍ ജുമാ മസ്ജിദിനെ ടൂറിസം പട്ടികയില്‍ ഉള്‍പ്പെടുത്താന്‍ പ്രമേയം.
മംഗല്‍പ്പാടി പഞ്ചായത്തിലെ 12-ാം വാര്‍ഡില്‍ ഉള്‍പ്പെട്ട പ്രകൃതിഭംഗിയാല്‍ സമ്പന്നമായ ഷിറിയ പുഴയുടെ ഓരം ചേര്‍ന്നാണ് പുരാതനമായ ഇച്ചിലങ്കോട് മാലിക്ക് ദീനാര്‍ പള്ളി സ്ഥിതി ചെയ്യുന്നത്.
17ന് ചേര്‍ന്ന ഭരണ സമിതി യോഗത്തില്‍ പഞ്ചായത്തംഗം മജീദ് പച്ചമ്പള പ്രമേയം അവതരിപ്പിച്ചു. ഹിജ്റ 37-ല്‍ റാഫി ഇബ്‌നു ഹബീബ് മാലിക് ദീനാറും അവരുടെ ആറ് അനുചരന്മാരും ചേര്‍ന്നായിരുന്നു ഇച്ചിലങ്കോട് പള്ളി നിര്‍മിച്ചത്.
ഏകദേശം 1400 വര്‍ഷമായി ഈ സംഘം ഇച്ചിലങ്കോട് അന്ത്യവിശ്രമം കൊള്ളുന്നുവെന്നാണ് ചരിത്രം.
നൂറ്റാണ്ടുകള്‍ പഴക്കമുള്ള കുളവും നേല കയറും മറ്റും ഇന്ന് ചരിത്രത്തിന്റെ നേര്‍കാഴ്ചകളായി ഇന്നും നിലനില്‍ക്കുന്നു.
5 വര്‍ഷത്തിലൊരിക്കല്‍ കഴിച്ച് വരാറുള്ള ഉദയാസ്തമന ഉറൂസ് ഫെബ്രവരി 6 മുതല്‍ 26 വരെ നടത്തപെടുകയാണ്. പ്രമുഖ പണ്ഡിതന്മാരും സാദാത്തീങ്ങളും പങ്കെടുക്കും.
