കാഞ്ഞങ്ങാട്: പ്ലസ് വണ്‍ വിദ്യാര്‍ത്ഥിയെ തൂങ്ങി മരിച്ച നിലയില്‍ കണ്ടെത്തി. പെരിയ പുളിക്കല്‍ അരങ്ങനടുക്കത്തെ ബാബു-ലത ദമ്പതികളുടെ മകന്‍ ഭവീഷ്(16)ആണ് മരിച്ചത്. ഇന്നലെ വൈകുന്നേരമാണ് വീട്ടിലെ അടുക്കളയില്‍ മരിച്ച നിലയില്‍ കണ്ടത്. സംഭവസമയത്ത് വീട്ടിലാരുമുണ്ടായിരുന്നില്ല. വീട്ടുകാരെത്തിയപ്പോള്‍ വാതില്‍ അകത്തുനിന്നടച്ച നിലയിലായിരുന്നു. ഇതെ തുടര്‍ന്നു വാതില്‍ പൊളിച്ച് അകത്ത് കയറിയപ്പോഴാണ് സംഭവം കാണുന്നത്. ഉടന്‍ ജില്ലാ ആസ്പത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. പെരിയ ഗവ.ഹയര്‍ സെക്കന്ററി സ്‌കൂള്‍ വിദ്യാര്‍ത്ഥിയാണ്. സഹോദരങ്ങള്‍: ഭവിത്, ഭവിത.
