പ്ലസ് വണ്‍ പ്രവേശനം; അറിയേണ്ടതെല്ലാം

ചില രക്ഷിതാക്കള്‍ സ്‌കൂളില്‍ വന്ന് തിരക്കാറുണ്ട്. കുട്ടിക്ക് 90ശതമാനം മാര്‍ക്കുണ്ട്, അല്ലെങ്കില്‍ 80 ശതമാനം മാര്‍ക്ക് ഉണ്ട് ഇവിടെ സയന്‍സിന് അഡ്മിഷന്‍ കിട്ടുമോ എന്നൊക്കെ.
ആദ്യം മനസ്സിലാക്കേണ്ടത്, കുട്ടിക്ക് കിട്ടിയ ആകെ മാര്‍ക്ക് അറിയാത്തിടത്തോളം കാലം കൃത്യമായ ശതമാനം കണക്കാക്കാന്‍ കഴിയില്ല എന്നതാണ്. നമുക്ക് കഴിയുന്നത്, കുട്ടിക്ക് കിട്ടിയ ഗ്രേഡ് മുന്‍നിര്‍ത്തി ഗ്രേഡ് പോയിന്റ് കണക്കാക്കുക എന്നതാണ്.
എ പ്ലസ്-9, എ-8, ബി പ്ലസ്-7, ബി-6, സിപ്ലസ്-5, സി-4, ഡി പ്ലസ് -3
ഈ ടേബിള്‍ പ്രകാരം കുട്ടിക്ക് കിട്ടിയ ഗ്രേഡുകളെ ഗ്രേഡ് പോയിന്റുകളാക്കി അതിന്റെ മൊത്തം എണ്ണം കാണുക-ഇതാണ് ടി.ജി.പി അഥവ ടോട്ടല്‍ ഗ്രേഡ് പോയിന്റ്. ടി.ജി.പിയെ മാത്രം നോക്കി പ്രവേശന സാധ്യത പരിശോധിക്കാന്‍ കഴിയില്ല. മൊത്തം ഗ്രേഡിനൊപ്പം ഗൗരവത്തോടെ വിലയിരുത്തേണ്ട ഒന്നാണ് ജി.എസ്.ഡബ്ല്യു.
എന്താണ് ജി.എസ്.ഡബ്ല്യു?
GSW- Total Grade value of subjects for which Weightage is given.
(തിരഞ്ഞെടുക്കുന്ന കോമ്പിനേഷന് വെയ്‌റ്റേജ് നല്‍കുന്ന വിഷയങ്ങള്‍). ഒരു കുട്ടി ഏത് കോമ്പിനേഷന്‍ ആണോ ആഗ്രഹിക്കുന്നത്, ആ കോമ്പിനേഷന് കിട്ടുന്ന വെയ്‌റ്റേജ് ഗ്രേഡ് പോയിന്റ് കണക്കാക്കുന്നത് എങ്ങനെ എന്ന് നോക്കാം.
ആകെ 46 തരം കോമ്പിനേഷനുകള്‍ ഉണ്ടെങ്കിലും കുട്ടിക്ക് പോയി വരാവുന്ന ദൂരത്തിലുള്ള ഓരോ സ്‌കൂളുകളിലും ശരാശരി മൂന്നോ നാലോ കോമ്പിനേഷനുകളേ കാണൂ. അപേക്ഷ സമര്‍പ്പിക്കാന്‍ പോകുന്നതിന് മുമ്പ് ഇത് രക്ഷിതാക്കളും കുട്ടികളും കൃത്യമായി മനസ്സിലാക്കിയിരിക്കണം. കോഴ്‌സ് കോഡ് 1 മുതല്‍ 9 വരെ സയന്‍സ് കോമ്പിനേഷന്‍ ആണെങ്കിലും കോഡ് 4 മുതല്‍ 8 വരെയുള്ള കോമ്പിനേഷന് ഫിസിക്‌സ്, കെമിസ്ട്രി ആന്റ് മാത്തമാറ്റിക്‌സ് ആണ് വെയ്‌റ്റേജ് നല്‍കുന്ന വിഷയങ്ങള്‍. 1, 2, 3, 9 ബയോമാത്‌സ് എന്ന് വിശേഷിപ്പിക്കപ്പെടുന്നു.
ഈ ഗ്രൂപ്പിന്റെ വെയ്‌റ്റേജ് വിഷയങ്ങള്‍ മേല്‍ പറഞ്ഞ വിഷയങ്ങളുടെ കൂടെ ബയോളജിയെ കൂടി പരിഗണിക്കും. (ഫിസിക്‌സ്, കെമിസ്ട്രി, ബയോളജി ആന്റ് മാത്തമാറ്റിക്‌സ്) കോഡ് 10 മുതല്‍ 29 വരെയും 41, 42, 43, 45, 46 ഉം ആയ ഹ്യൂമാനിറ്റീസ് കോമ്പിനേഷന് വെയ്‌റ്റേജ് നല്‍കുന്ന വിഷയം സോഷ്യല്‍ സയന്‍സ് മാത്രമാണ്. കോഡ് 30 മുതല്‍ 32 വരെയുള്ള ഹ്യുമാനിറ്റീസ് കോമ്പിനേഷന് സോഷ്യല്‍ സയന്‍സ് ആന്റ് മാത്തമാറ്റിക്‌സും കോഡ് 33, 34, 35, 44ന്റെ വെയ്‌റ്റേജ് വിഷയങ്ങള്‍ സോഷ്യല്‍ സയന്‍സും ഇംഗ്ലീഷും ആണ്.
കോഡ് 36 മുതല്‍ 39 വരെയുള്ള കൊമേഴ്‌സ് കോമ്പിനേഷന് വെയ്‌റ്റേജ് നല്‍കുന്ന വിഷയങ്ങള്‍ മാത്തമാറ്റിക്‌സ് ആന്റ് സോഷ്യല്‍ സയന്‍സ് ആണ്. ഇപ്രകാരം കുട്ടി തിരഞ്ഞെടുക്കുന്ന കോമ്പിനേഷന് കിട്ടുന്ന വെയ്‌റ്റേജ് പോയിന്റ് എത്രയെന്ന് തന്റെ മാര്‍ക്ക് ലിസ്റ്റ് നോക്കി കണക്കാക്കി വെക്കുക. ഈ തുകയാണ് ജി.എസ്.ഡബ്ല്യു.
ടോപ്പ് ഗ്രേഡിനോടൊപ്പം പ്രധാനപ്പെട്ടതാണ് ജി.എസ്.ഡബ്ല്യു. പ്ലസ് വണ്‍ പ്രവേശനത്തിന് ജി.എസ്.ഡബ്ല്യു നിര്‍ണ്ണായകമായൊരു ഘടകമാണെന്ന് ഓര്‍ക്കുക.
ചില കുട്ടികളുടെ ടി.ജി.പി തുല്യമായിരിക്കാം. പക്ഷെ, ജി.എസ്.ഡബ്ല്യു തുല്യമായി വന്നോളണം എന്നില്ല. കുട്ടികള്‍ അവര്‍ക്ക് കിട്ടിയ ഗ്രേഡുകള്‍ ഏതാണ്ട് തുല്യമാണെന്ന് കണ്ട് ഒരേ കോമ്പിനേഷന് അപേക്ഷിച്ച് ചിലര്‍ക്ക് കിട്ടുകയും ചിലര്‍ക്ക് കിട്ടാതിരിക്കുകയും ചെയ്യുന്നതിന്റെ ഒരു കാരണം ഇതാണ്.
ബോണസ് പോയിന്റ്
പത്താം തരം കേരള സിലബസില്‍ എസ്.എസ്.എല്‍.സി പഠിച്ചവര്‍ക്ക് 3 ബോണസ് പോയിന്റ് ലഭിക്കും, എസ്.എസ്.എല്‍.സിക്ക് പഠിച്ചിരുന്ന അതേ സ്‌കൂളില്‍ തന്നെ അപേക്ഷിക്കുകയാണെങ്കില്‍ 2 ബോണസ് പോയിന്റ് ലഭിക്കും, താമസിക്കുന്ന അതേ ഗ്രാമപഞ്ചായത്ത്/മുനിസിപ്പാലിറ്റി/ കോര്‍പറേഷന്‍ എന്നിവയില്‍ ഉള്ള സ്‌കൂളുകളില്‍ അപേക്ഷിക്കുകയാണെങ്കില്‍ 2 ബോണസ് പോയിന്റ് ലഭിക്കും, താമസിക്കുന്ന അതേ താലൂക്കില്‍ ഉള്ള സ്‌കൂളുകളില്‍ അപേക്ഷിക്കുകയാണെങ്കില്‍ ഒരു ബോണസ് പോയിന്റ് ലഭിക്കും, താമസിക്കുന്ന ഗ്രാമപഞ്ചായത്തില്‍ ഗവ./എയ്ഡഡ് ഹയര്‍ സെക്കണ്ടറി സ്‌കൂള്‍ ഇല്ലാത്തവര്‍ക്ക് താലൂക്കിലെ മറ്റ് സ്‌കൂളുകളില്‍ അപേക്ഷിക്കുകയാണെങ്കില്‍ ബോണസ് പോയിന്റ് ലഭിക്കും. എന്‍.സി.സി (75 ശതമാനത്തില്‍ കുറയാത്ത ഹാജര്‍ കേഡറ്റിനുണ്ടെന്ന സര്‍ട്ടിഫിക്കറ്റ് ഹാജരാക്കണം). സ്‌കൗട്ട് ആന്റ് ഗൈഡ് (രാഷ്ട്രപതി/രാജ്യ പുരസ്‌കാര്‍ നേടിയവര്‍ മാത്രം). നീന്തല്‍ അറിവ് (അപേക്ഷകന്‍ താമസിക്കുന്ന തദ്ദേശ ഭരണസ്ഥാപനങ്ങള്‍ക്ക് കീഴിലുള്ള സ്‌പോര്‍ട്‌സ് കൗണ്‍സില്‍ നല്‍കുന്ന സര്‍ട്ടിഫിക്കറ്റ് ഹാജരാക്കണം. സ്‌പോര്‍ട്‌സ് കൗണ്‍സില്‍ രൂപീകരിച്ചിട്ടില്ലാത്ത മേഖലകളിലുള്ളവര്‍ ജില്ല സ്‌പോര്‍ട്‌സ് കൗണ്‍സിലിന്റെ സര്‍ട്ടിഫിക്കറ്റ് ആണ് ഹാജരാക്കേണ്ടത്. വാര്‍ഡ് മെമ്പര്‍, തദ്ദേശ സ്വയം ഭരണ സ്ഥാപനത്തിന്റെ പ്രസിഡന്റ്/സെക്രട്ടറി തുടങ്ങിയവര്‍ നല്‍കുന്ന സര്‍ട്ടിഫിക്കറ്റ് പരിഗണിക്കുകയില്ല). സ്റ്റുഡന്റ് പൊലീസ് കേഡറ്റുകള്‍ക്കും 2 ബോണസ് പോയിന്റ് ലഭിക്കും, മരണമടഞ്ഞ ജവാന്‍മാരുടെ മക്കള്‍ക്ക് 5 ബോണസ് പോയിന്റ്‌ലഭിക്കും. (നിയമപരമായി അവര്‍ ദത്തെടുത്ത മക്കളും ഈ ആനുകൂല്യത്തിന് അര്‍ഹരാണ്), ജവാന്‍മാരുടെയും ആര്‍മി, നേവി, എയര്‍ഫോഴ്‌സ് എന്നിവയില്‍ നിന്നുള്ള എക്‌സ് സര്‍വീസുകാരുടെയും മക്കള്‍ക്ക് 3 ബോണസ് പോയിന്റ് ലഭിക്കും. (നിയമപരമായി അവര്‍ ദത്തെടുത്ത മക്കളും ഈ ആനുകൂല്യത്തിന് അര്‍ഹരാണ്.) ഈ പട്ടിക നോക്കി അപേക്ഷകന് എത്ര ബി.പി (ബോണസ് പോയിന്റ്) കിട്ടുമെന്ന് കണക്കാക്കുക.
എന്താണ് എം.പി എങ്ങനെയാണ്,
പോയിന്റ് കുറയുക
ആദ്യ തവണ പാസായിട്ടില്ലെങ്കില്‍, പാസാവാന്‍ എടുക്കുന്ന ഓരോ ചാന്‍സിനും ഒരു പോയിന്റ് വെച്ച് കുറക്കും.
TS (Total Subject)
ആകെ വിഷയങ്ങളുടെ എണ്ണമാണിത്. ടടഘഇ ക്കാര്‍ക്ക് 10 ആണ്.
TSW (Total Subject for Weightage) തിരഞ്ഞെടുക്കുന്ന കോമ്പിനേഷന്റെ വെയ്‌റ്റേജ് വിഷയങ്ങളുടെ എണ്ണം ആണിത്. ഇത് ബയോ മാത്‌സിന് 4, മറ്റു സയന്‍സുകള്‍ക്ക് 3, കൊമേഴ്‌സിന് 2, ഹ്യുമാനിറ്റീസിന് 1 എന്നിങ്ങനെയാണ് വരിക. (ഹ്യുമാനിറ്റീസ് കോഡ് 33, 34, 35, 44 ന്റെ TSW 2 ആണ്.)
ഇനി അഡ്മിഷന് മാനദണ്ഡമാകുന്ന WGPA കണക്കാക്കുന്നത് എങ്ങനെ എന്ന് പരിശോധിക്കാം.
WGPA= TGP+GSW BP-MP
TS+ TSW 10
ഇപ്പോള്‍ കിട്ടിയ എണ്ണത്തിന്റെ ഏഴ് ദശാംശ സ്ഥാനം വരെ എടുക്കുക. ഈ സംഖ്യയാണ് WGPA. WGPA തുല്യമായി വരുമ്പോള്‍ വിവിധ മാനദണ്ഡങ്ങളെ മുന്‍നിര്‍ത്തി ടൈ ബ്രേക്കിംഗ് ചെയ്യും. സയന്‍സ് കോമ്പിനേഷന്‍, വെയ്‌റ്റേജ് വിഷയങ്ങളുടെ ഗ്രേഡ് പോയിന്റ് കുറവാണെങ്കില്‍ ഹ്യുമാനിറ്റീസ്/കൊമേഴ്‌സ് കോമ്പിനേഷന് വെയ്‌റ്റേജ് ഉണ്ടോ എന്ന് നോക്കണം.
എല്ലാ കോമ്പിനേഷനും അതിന്റെ സാധ്യതകള്‍ ഉണ്ട്. സയന്‍സ് പഠിച്ചാല്‍ നല്ല ജോലി സാധ്യത ഉണ്ടാകും, ഹ്യുമാനിറ്റീസ് പഠിച്ചാല്‍ മെച്ചമുണ്ടാകില്ല എന്നുള്ളതൊക്കെ തെറ്റായ ധാരണകളാണ്.
അതുപോലെ തന്നെ സയന്‍സിന് പഠിക്കുന്നത് (അതും ബയോമാത്‌സ്) മിടുക്കന്മാരുടെയും കൊമേഴ്‌സിന് പഠിക്കുന്നത് ഇടത്തരം മിടുക്കന്മാരുടേയും ഹ്യുമാനിറ്റീസിന് പഠിക്കുന്നത് മണ്ടന്മാരുടേയും അടയാളമാണെന്ന് കരുതുന്ന ധാരാളം രക്ഷിതാക്കളും കുട്ടികളും ഉണ്ട്. ഈ വിശ്വാസം ആനമണ്ടത്തരമാണെന്ന് പറയേണ്ടി വരും. എല്ലാ കോമ്പിനേഷനും മിടുക്കന്മാര്‍ക്കുള്ളതാണ്. എല്ലാത്തിനും നല്ല ജോലി സാധ്യത/ഉപരിപഠന സാധ്യതയുണ്ട്, കോഴ്‌സ് കഴിയുന്ന ആള്‍ അതിനെ എപ്രകാരം ഉപയോഗപ്പെടുത്തുന്നു എന്നതിനെ ആശ്രയിച്ചാണ് അതിന്റെ സാധ്യത കിടക്കുന്നത്. ദയവായി മറ്റുള്ളവരുടെ മുന്നില്‍ മേനി പറയാന്‍ വേണ്ടി മാത്രം എടുത്താല്‍ പൊങ്ങാത്ത കോമ്പിനേഷന്‍ എടുക്കരുത്, എടുപ്പിക്കരുത്. മറ്റുള്ളവരുടെ മുന്നില്‍ ഗമ കാണിക്കുന്നതിനേക്കാള്‍ വലുതാണ് ഭാവി സുരക്ഷിതമാക്കല്‍. കുട്ടിയുടെ താല്‍പര്യം, അഭിരുചി, കപ്പാസിറ്റി ഇതൊക്കെ നോക്കി കൊണ്ടാവണം അനുയോജ്യമായ കോമ്പിനേഷന്‍ തിരഞ്ഞെടുക്കേണ്ടത്.
ആദ്യ അലോട്ട്‌മെന്റില്‍
തന്നെ അഡ്മിഷന്‍ കിട്ടുമോ?
അപേക്ഷകന് ആദ്യ അലോട്ട്‌മെന്റില്‍ തന്നെ ഇഷ്ടപ്പെട്ട സ്‌കൂളില്‍ ഇഷ്ടപ്പെട്ട കോമ്പിനേഷന് പ്രവേശനം കിട്ടിക്കൊള്ളണമെന്നില്ല. മറ്റു സ്‌കൂളുകളിലേക്കാണ് അലോട്ട്‌മെന്റ് വന്നതെങ്കില്‍, അലോട്ട്‌മെന്റ് പ്രിന്റ്ഔട്ടും ഒറിജിനല്‍ സര്‍ട്ടിഫിക്കറ്റുകളുമായി പ്രസ്തുത സ്‌കൂളില്‍ ഹാജരായി താല്‍ക്കാലിക അഡ്മിഷന്‍ എടുക്കുകയും അടുത്ത അലോട്ട്‌മെന്റ് വരെ കാത്തിരിക്കുകയും ചെയ്യുക.
അടുത്ത അലോട്ട്‌മെന്റില്‍ മാറ്റം വന്നാല്‍ പുതിയ അലോട്ട്‌മെന്റ് പ്രിന്റ് എടുത്ത് താല്‍ക്കാലിക പ്രവേശനം കിട്ടിയ സ്‌കൂളില്‍ നിന്നും ഒറിജിനല്‍ സര്‍ട്ടിഫിക്കറ്റുകള്‍ തിരിച്ചു വാങ്ങി പുതിയ സ്‌കൂളില്‍ സ്ഥിരമായി പ്രവേശനം നേടാം.
ഇതേ പോലെ കോമ്പിനേഷന്‍ ട്രാന്‍സ്ഫറിനും അവസരമുണ്ടാകും. ആയതിനാല്‍ ആദ്യ അലോട്ട്‌മെന്റില്‍ തന്നെ താല്‍ക്കാലിക അഡ്മിഷന്‍ എങ്കിലും കിട്ടണമെങ്കില്‍ അപേക്ഷയില്‍ ധാരാളം ഓപ്ഷനുകള്‍ കൊടുത്തിരിക്കണം.
അക്ഷയയില്‍ നിന്നോ കഫേകളില്‍ നിന്നോ കിട്ടിയ ഫോമുകളില്‍ ആവശ്യാനുസരണം ഓപ്ഷനുകള്‍ പൂരിപ്പിക്കാന്‍ കോളമില്ലെങ്കില്‍ അധികം കോളങ്ങള്‍ വരച്ച് ചേര്‍ത്ത് ഓപ്ഷനുകള്‍ കൂടുതല്‍ എണ്ണം ഉള്‍പ്പെടുത്താന്‍ ശ്രദ്ധിക്കുക.

-സിറാജുദ്ദീന്‍ ഖാസിലേന്‍