ഉദുമ: ഡ്രൈവര്‍ ഉറങ്ങിപ്പോയതിനെത്തുടര്‍ന്ന് നിയന്ത്രണം വിട്ട മിനിബസ് റോഡരികിലെ തൂണിലിടിച്ചു. പത്തോളം പേര്‍ക്ക് പരിക്കേറ്റു.
ഇന്ന് പുലര്‍ച്ചെ കോട്ടിക്കുളം ബക്കര്‍ ആസ്പത്രിക്ക് സമീപമായിരുന്നു അപകടം. കാഞ്ഞങ്ങാട് ഭാഗത്ത് നിന്ന് കാസര്‍കോട് ഭാഗത്തേക്ക് വരികയായിരുന്ന ടൂറിസ്റ്റ് ബസാണ് അപകടത്തില്‍ പെട്ടത്. ആരുടെയും പരിക്ക് ഗുരുതരമല്ലെന്നാണ് വിവരം.
പരിക്കേറ്റവരെ കാസര്‍കോട്ടെ വിവിധ ആസ്പത്രികളില്‍ പ്രവേശിപ്പിച്ചു. വിവരമറിഞ്ഞ് പൊലീസും സ്ഥലത്തെത്തി. അപകടത്തെത്തുടര്‍ന്ന് മിനിബസിന്റെ മുന്‍ഭാഗം തകര്‍ന്നു.
