തൃശൂര്: കുട്ടികള്ക്ക് മുന്നില് നഗ്നത പ്രദര്ശനം നടത്തിയെന്ന കേസില് നടന് ശ്രീജിത്ത് രവി അറസ്റ്റില്. തൃശൂര് വെസ്റ്റ് പൊലീസാണ് ഇന്ന് രാവിലെ അറസ്റ്റ് ചെയ്തത്. പോക്സോ വകുപ്പുകള് ചുമത്തിയാണ് ശ്രീജിത്ത് രവിക്കെതിരെ കേസെടുത്തിരിക്കുന്നത്. രണ്ട് ദിവസം മുമ്പാണ് കേസ് രജിസ്റ്റര് ചെയ്തത്. പ്രതിക്കായി അന്വേഷണം നടത്തുകയായിരുന്നു. സി.സി.ടി.വികള് കേന്ദ്രീകരിച്ച് നടത്തിയ അന്വേഷണത്തില് ശ്രീജിത്ത് രവിയുടെ വാഹനം പൊലീസ് തിരിച്ചറിഞ്ഞു. ഇതോടെയാണ് അറസ്റ്റിലേക്ക് വഴിയൊരുങ്ങിയത്.
തൃശൂര് എസ്.എന് പാര്ക്കിന് സമീപത്ത് വെച്ച് 11ഉം അഞ്ചും വയസുള്ള രണ്ട് കുട്ടികള്ക്ക് മുന്നില് വെച്ച് നഗ്നതാ പ്രദര്ശനം നടത്തിയ ശേഷം ഇവിടെ നിന്ന് പോവുകയായിരുന്നു.
തന്റേത് ഒരു രോഗമാണെന്നും മരുന്ന് കഴിക്കാത്തത് കൊണ്ടുണ്ടായ പ്രശ്നമാണെന്നും ശ്രീജിത്ത് രവി പറഞ്ഞതായി പൊലീസ് അറിയിച്ചു. നഗ്നതാ പ്രദര്ശനത്തിന് പാലക്കാട് പൊലീസും ശ്രീജിത്ത് രവിക്കെതിരെ നേരത്തെ കേസെടുത്തിരുന്നു.
