പത്താം ക്ലാസ് വിദ്യാര്‍ത്ഥിനിയുടെ ദുരൂഹ മരണം; അറസ്റ്റിലായ യുവാവ് റിമാണ്ടില്‍, കൂടുതല്‍ പേര്‍ക്കെതിരെ അന്വേഷണം
മുള്ളേരിയ: പത്താം ക്ലാസ് വിദ്യാര്‍ത്ഥിനിയുടെ ദുരൂഹ മരണവുമായി ബന്ധപ്പെട്ട് അറസ്റ്റിലായ യുവാവിനെ കോടതി റിമാണ്ട് ചെയ്തു. ബദിയടുക്ക പിലാങ്കട്ടക്ക് സമീപം അര്‍ത്തിപള്ളം സ്വദേശിയും മുളിയാര്‍ മുലടുക്കത്ത് താമസക്കാരനുമായ മുഹമ്മദ് ഇര്‍ഷാദി (23)നെയാണ് കാസര്‍കോട് ജുഡീഷ്യല്‍ മജിസട്രേറ്റ് കോടതി റിമാണ്ട് ചെയ്തത്. ഇന്നലെയാണ് ഇര്‍ഷാദിനെ ആദൂര്‍ സി.ഐ എ അനില്‍കുമാര്‍ അറസ്റ്റു ചെയ്തത്. കഴിഞ്ഞ മാര്‍ച്ച് 30ന് എസ്.എസ്.എല്‍.സി പരീക്ഷാ തലേന്ന് വൈകീട്ട് ആറരയോടെയാണ് ചെര്‍ക്കള ഗവ.ഹയര്‍ സെക്കണ്ടറി സ്‌കൂളിലെ പത്താം ക്ലാസ് വിദ്യാര്‍ത്ഥിനിയായ മുളിയാര്‍ ആലന്തടുക്കയിലെ ഷുഹൈലയെ […]
മുള്ളേരിയ: പത്താം ക്ലാസ് വിദ്യാര്‍ത്ഥിനിയുടെ ദുരൂഹ മരണവുമായി ബന്ധപ്പെട്ട് അറസ്റ്റിലായ യുവാവിനെ കോടതി റിമാണ്ട് ചെയ്തു. ബദിയടുക്ക പിലാങ്കട്ടക്ക് സമീപം അര്‍ത്തിപള്ളം സ്വദേശിയും മുളിയാര്‍ മുലടുക്കത്ത് താമസക്കാരനുമായ മുഹമ്മദ് ഇര്‍ഷാദി (23)നെയാണ് കാസര്‍കോട് ജുഡീഷ്യല്‍ മജിസട്രേറ്റ് കോടതി റിമാണ്ട് ചെയ്തത്. ഇന്നലെയാണ് ഇര്‍ഷാദിനെ ആദൂര്‍ സി.ഐ എ അനില്‍കുമാര്‍ അറസ്റ്റു ചെയ്തത്. കഴിഞ്ഞ മാര്‍ച്ച് 30ന് എസ്.എസ്.എല്‍.സി പരീക്ഷാ തലേന്ന് വൈകീട്ട് ആറരയോടെയാണ് ചെര്‍ക്കള ഗവ.ഹയര്‍ സെക്കണ്ടറി സ്‌കൂളിലെ പത്താം ക്ലാസ് വിദ്യാര്‍ത്ഥിനിയായ മുളിയാര്‍ ആലന്തടുക്കയിലെ ഷുഹൈലയെ […]
മുള്ളേരിയ: പത്താം ക്ലാസ് വിദ്യാര്‍ത്ഥിനിയുടെ ദുരൂഹ മരണവുമായി ബന്ധപ്പെട്ട് അറസ്റ്റിലായ യുവാവിനെ കോടതി റിമാണ്ട് ചെയ്തു. ബദിയടുക്ക പിലാങ്കട്ടക്ക് സമീപം അര്‍ത്തിപള്ളം സ്വദേശിയും മുളിയാര്‍ മുലടുക്കത്ത് താമസക്കാരനുമായ മുഹമ്മദ് ഇര്‍ഷാദി (23)നെയാണ് കാസര്‍കോട് ജുഡീഷ്യല്‍ മജിസട്രേറ്റ് കോടതി റിമാണ്ട് ചെയ്തത്. ഇന്നലെയാണ് ഇര്‍ഷാദിനെ ആദൂര്‍ സി.ഐ എ അനില്‍കുമാര്‍ അറസ്റ്റു ചെയ്തത്. കഴിഞ്ഞ മാര്‍ച്ച് 30ന് എസ്.എസ്.എല്‍.സി പരീക്ഷാ തലേന്ന് വൈകീട്ട് ആറരയോടെയാണ് ചെര്‍ക്കള ഗവ.ഹയര്‍ സെക്കണ്ടറി സ്‌കൂളിലെ പത്താം ക്ലാസ് വിദ്യാര്‍ത്ഥിനിയായ മുളിയാര്‍ ആലന്തടുക്കയിലെ ഷുഹൈലയെ വീട്ടിലെ കിടപ്പുമുറിയില്‍ തൂങ്ങി മരിച്ച നിലയില്‍ കണ്ടത്. യുവാവ് പെണ്‍കുട്ടിയെ നിരന്തരം പിന്തുടരുകയും, ഭീഷണിപ്പെടുത്തുകയും ചെയ്തതായി കാണിച്ച് സഹോദരന്‍ ജില്ലാ പൊലീസ് മേധാവിക്ക് പരാതി നല്‍കിയിരുന്നു. തുടര്‍ന്ന് എസ്.പി തന്നെ കേസന്വേഷണം നേരിട്ട് ഏറ്റെടുക്കുകയും ആദൂര്‍ സി.ഐ യെ അന്വേഷണ ചുമതല ഏല്‍പ്പിക്കുകയുമായിരുന്നു. വിദ്യാര്‍ഥിനിയുടെ സഹപാഠികളായ രണ്ട് വിദ്യാര്‍ഥിനികളുടെയും, രണ്ട് സഹോദരിമാരുടെയും രഹസ്യമൊഴി കഴിഞ്ഞ മാസം കാസര്‍കോട് ഫസ്റ്റ് ക്ലാസ് മജിസ്‌ട്രേറ്റ് രേഖപ്പെടുത്തുകയും ചെയ്തിരുന്നു. ഇന്നലെ കസ്റ്റഡിയിലെടുത്ത പ്രതിയെ സ്ഥലത്തെത്തിച്ച് തെളിവ് ശേഖരിച്ച ശേഷം വൈകീട്ടോടെയാണ് അറസ്റ്റ് രേഖപ്പെടുത്തിയത്. കേസില്‍ കുടുതല്‍ പ്രതികള്‍ ഉള്‍പെട്ടതായി ആരോപണം ഉയര്‍ന്ന സാഹചര്യത്തില്‍ മറ്റു പ്രതികളെ കുറിച്ചന്വേഷിക്കുന്നുണ്ടെന്ന് പൊലീസ് പറഞ്ഞു. എസ്.ഐ മധു, സിവില്‍ പൊലീസ് ഓഫീസര്‍മാരായ ചന്ദ്രന്‍നായര്‍, അജയ് വില്‍സണ്‍ എന്നിവരും പ്രതിയെ അറസ്റ്റ് ചെയ്ത സംഘത്തിലണ്ടായിരുന്നു. ഷുഹൈലയെ ശല്യം ചെയ്ത യുവാക്കളെക്കുറിച്ചുള്ള എല്ലാ വിവരങ്ങളും പൊലീസിന് കൈമാറിയിരുന്നെങ്കിലും യാതൊരു നടപടിയും സ്വീകരിച്ചില്ലെന്നും പെണ്‍കുട്ടിയുടെ മരണം സംഭവിച്ചത് ആത്മഹത്യക്ക് പ്രേരിപ്പിച്ചതുകൊണ്ടാണെന്നും കുട്ടിയെ ലൈംഗികമായി ചൂഷണം ചെയ്തിരുന്നുവെന്നും കുടുംബവും ആക്ഷന്‍ കമ്മിറ്റിയും ആരോപിച്ചു.
