തിരുവനന്തപുരം: മുസ്ലിം ലീഗ് നേതാവും മുന് എം.എല്.എയുമായ എ യൂനുസ് കുഞ്ഞ് (80) അന്തരിച്ചു. വാര്ദ്ധക്യ സഹജമായ അസുഖങ്ങളെ തുടര്ന്ന് തിരുവനന്തപുരത്തെ സ്വകാര്യാസ്പത്രിയിലായിരുന്നു അന്ത്യം. മുസ്ലിം ലീഗ് ദേശീയ അസിസ്റ്റന്റ് സെക്രട്ടറിയായി പ്രവര്ത്തിച്ചിരുന്നു. 1991 മുതല് 1996 വരെ മലപ്പുറത്ത് നിന്നുള്ള നിയമസഭാ അംഗം ആയിരുന്നു. പാര്ട്ടി സംസ്ഥാന സെക്രട്ടേറിയറ്റ് അംഗം, ദേശീയ കൗണ്സില് അംഗം, കൊല്ലം ജില്ലാ പ്രസിഡണ്ട്, ജനറല് സെക്രട്ടറി, വടക്കേവിള ഗ്രാമപഞ്ചായത്ത് പ്രസിഡണ്ട്, അംഗം, ജില്ലാ കൗണ്സില് അംഗം എന്നീ നിലകളിലും പ്രവര്ത്തിച്ചിട്ടുണ്ട്.