ബാഴ്‌സലോണയുമായുള്ള കരാര്‍ അവസാനിച്ചു; ലയണല്‍ മെസി ഇനി ഫ്രീ ഏജന്റ്
ബാഴ്‌സലോണ: സ്പാനിഷ് വമ്പന്മാരായ ബാഴ്‌സലോണയുമായുള്ള ഇതിഹാസ താരം ലയണല്‍ മെസിയുടെ കരാര്‍ അവസാനിച്ചു. കരാര്‍ കാലാവധി വ്യാഴാഴ്ച അവസാനിച്ചതോടെ താരത്തിന്റെ ഭാവിയെചൊല്ലിയുള്ള ഊഹാപോഹങ്ങള്‍ ശക്തമായി. ഇന്നലെ അര്‍ദ്ധരാത്രിയോടു കൂടിയാണ് മെസിയുമായുള്ള ബാഴ്‌സയുടെ കരാര്‍ അവസാനിച്ചത്. മെസി ബാഴ്‌സ വിടുകയാണെന്ന തരത്തില്‍ നേരത്തെ വാര്‍ത്തകള്‍ പ്രചരിച്ചിരുന്നെങ്കിലും മെസിയോ മാനേജ്‌മെന്റോ വ്യക്തത പരുത്തിയിരുന്നില്ല. കരാര്‍ അവസാനിച്ചതോടെ നിലവില്‍ അര്‍ജന്റീനക്ക് വേണ്ടി കോപ അമേരിക്ക മത്സരങ്ങളില്‍ പങ്കെടുക്കുന്ന മെസി ഫ്രീ ഏജന്റായി. അതേസമയം മെസിയുടെ ഏജന്റ് കൂടിയായ അദ്ദേഹത്തിന്റെ പിതാവുമായി ബാഴ്‌സ […]
ബാഴ്‌സലോണ: സ്പാനിഷ് വമ്പന്മാരായ ബാഴ്‌സലോണയുമായുള്ള ഇതിഹാസ താരം ലയണല്‍ മെസിയുടെ കരാര്‍ അവസാനിച്ചു. കരാര്‍ കാലാവധി വ്യാഴാഴ്ച അവസാനിച്ചതോടെ താരത്തിന്റെ ഭാവിയെചൊല്ലിയുള്ള ഊഹാപോഹങ്ങള്‍ ശക്തമായി. ഇന്നലെ അര്‍ദ്ധരാത്രിയോടു കൂടിയാണ് മെസിയുമായുള്ള ബാഴ്‌സയുടെ കരാര്‍ അവസാനിച്ചത്. മെസി ബാഴ്‌സ വിടുകയാണെന്ന തരത്തില്‍ നേരത്തെ വാര്‍ത്തകള്‍ പ്രചരിച്ചിരുന്നെങ്കിലും മെസിയോ മാനേജ്‌മെന്റോ വ്യക്തത പരുത്തിയിരുന്നില്ല. കരാര്‍ അവസാനിച്ചതോടെ നിലവില്‍ അര്‍ജന്റീനക്ക് വേണ്ടി കോപ അമേരിക്ക മത്സരങ്ങളില്‍ പങ്കെടുക്കുന്ന മെസി ഫ്രീ ഏജന്റായി. അതേസമയം മെസിയുടെ ഏജന്റ് കൂടിയായ അദ്ദേഹത്തിന്റെ പിതാവുമായി ബാഴ്‌സ […]
ബാഴ്‌സലോണ: സ്പാനിഷ് വമ്പന്മാരായ ബാഴ്‌സലോണയുമായുള്ള ഇതിഹാസ താരം ലയണല്‍ മെസിയുടെ കരാര്‍ അവസാനിച്ചു. കരാര്‍ കാലാവധി വ്യാഴാഴ്ച അവസാനിച്ചതോടെ താരത്തിന്റെ ഭാവിയെചൊല്ലിയുള്ള ഊഹാപോഹങ്ങള്‍ ശക്തമായി. ഇന്നലെ അര്‍ദ്ധരാത്രിയോടു കൂടിയാണ് മെസിയുമായുള്ള ബാഴ്‌സയുടെ കരാര്‍ അവസാനിച്ചത്. മെസി ബാഴ്‌സ വിടുകയാണെന്ന തരത്തില്‍ നേരത്തെ വാര്‍ത്തകള്‍ പ്രചരിച്ചിരുന്നെങ്കിലും മെസിയോ മാനേജ്‌മെന്റോ വ്യക്തത പരുത്തിയിരുന്നില്ല.
കരാര്‍ അവസാനിച്ചതോടെ നിലവില്‍ അര്‍ജന്റീനക്ക് വേണ്ടി കോപ അമേരിക്ക മത്സരങ്ങളില്‍ പങ്കെടുക്കുന്ന മെസി ഫ്രീ ഏജന്റായി. അതേസമയം മെസിയുടെ ഏജന്റ് കൂടിയായ അദ്ദേഹത്തിന്റെ പിതാവുമായി ബാഴ്‌സ അധികൃതര്‍ ചര്‍ച്ച തുടരുകയാണെന്നാണ് വിവരം. കരാര്‍ കാലാവധി തീര്‍ന്നതു കൊണ്ടു തന്നെ മെസിയുടെ കരാര്‍ ഇനി പുതുക്കാന്‍ സാധിക്കില്ല. ഇനി മെസിയെ ടീമില്‍ എത്തിക്കണമെങ്കില്‍ തന്നെ പുതിയൊരു താരത്തെ സൈന്‍ ചെയ്യുന്നതിനു സമാനമായ എല്ലാ നടപടിക്രമങ്ങളും ക്ലബ് പൂര്‍ത്തിയാക്കണം.
മെസി എങ്ങും പോകില്ലെന്നും ബാഴ്‌സയില്‍ തന്നെയുണ്ടാകുമെന്ന് ബാഴ്‌സലോണ പ്രസിഡന്റ് യൊഹാന്‍ ലപോര്‍ട്ട പറയുന്നുണ്ടെങ്കിലും മെസിയെ പോലുള്ള ഒരു താരത്തെ എങ്ങനെ പിടിച്ചു നിര്‍ത്തും എന്ന ചോദ്യവും ഉയരുന്നുണ്ട്. അതിലെല്ലാം ഉപരിയായാണ് ലാ ലിഗ ഉയര്‍ത്തിയിരിക്കുന്ന സാമ്പത്തിക അച്ചടക്കം എന്ന ഭീഷണി. നിലവിലുള്ള കളിക്കാരുടെ ശമ്പളം വെട്ടിക്കുറച്ചില്ലെങ്കില്‍ ഒരു പക്ഷേ അടുത്ത സീസണില്‍ ട്രാന്‍സ്ഫര്‍ ബാന്‍ പോലുള്ള കടുത്ത നടപടികള്‍ ബാഴ്‌സയെ കാത്തിരിക്കുന്നുണ്ടാകും. ശമ്പളം വെട്ടിക്കുറച്ചു കൊണ്ടുള്ള ഒരു കരാറിന് മെസി തയ്യാറാകുമോ എന്നതും ചോദ്യചിഹ്നമായി നില്‍ക്കുന്നു.
അതേസമയം സാമ്പത്തികം മാത്രമല്ല മെസിയുടെ പ്രശ്‌നമെന്നാണ് പുറത്തുവരുന്ന റിപോര്‍ട്ടുകള്‍. കഴിഞ്ഞ സീസണില്‍ വളരെ മോശം പ്രകടനം നടത്തിയ ബാഴ്‌സയുടെ മുന്നോട്ടുള്ള പദ്ധതികള്‍ എന്തൊക്കെയെന്ന് വിശദീകരിച്ച് മെസിക്ക് അതില്‍ പൂര്‍ണ്ണ തൃപ്തിയുണ്ടെങ്കില്‍ മാത്രമേ അദ്ദേഹം ബാഴ്‌സയുമായി ഇനിയൊരു കരാറില്‍ ഏര്‍പ്പെടുവാന്‍ സാധ്യതയുള്ളൂവെന്നാണ് റിപോര്‍ട്ടുകള്‍ സൂചിപ്പിക്കുന്നത്.
