കുട്ടക്കനി സ്‌കൂളിന് 25 സെന്റ് കൃഷിസ്ഥലം സമ്മാനമായി വാങ്ങിച്ചു നല്‍കി സ്‌കൂള്‍ പി.ടി.എ

കൂട്ടക്കനി: പരിസ്ഥിതിദിനത്തില്‍ കൂട്ടക്കനി വിത്തിറക്കിയത് സ്വന്തമായി വാങ്ങിയ കൃഷിയിടത്തില്‍. 2008 മുതല്‍ എല്ലാ പരിസ്ഥിതി ദിനവും കൂട്ടക്കനിയിലെ കുട്ടിക ആചരിച്ചിരുന്നത് മണ്ണില്‍ നെല്‍വ എറിഞ്ഞാണ്. സ്വകാര്യ വ്യക്തിയുടെ ഭൂമിയിലായിരുന്നു ഇതുവരെ കാര്‍ഷിക പ്രവര്‍ത്തനങ്ങള്‍ ചെയ്ത് വന്നത്. കഴിഞ്ഞ 2 വര്‍ഷക്കാലം പി.ടി.എയും എസ്.എം.സി യും അധ്യാപകരുടേയും തീവ്രപ്രയത്‌നം കൊണ്ട് സ്വരൂപിച്ച തുക കൊണ്ട് സ്‌കൂളിന് സമീപം കൃഷിക്ക് മാത്രം 25 സെന്റ് സ്ഥലമാണ് വാങ്ങിയത്. ഈ പരിസ്ഥിതി ദിനത്തില്‍ അവിടെ മുണ്ടോടന്‍ വിത്തിറക്കി വീണ്ടും മാതൃയാകുകയാണ് കൂട്ടക്കനി. മുന്‍ അന്തര്‍ദേശീയ കാര്‍ഷിക അവാര്‍ഡ് ജേതാവ് പരേതനായ കൂട്ടക്കനി കോരേട്ടന്റെ കൊച്ചുമകള്‍ മൂന്നാം ക്ലാസ്സുകാരി വി.എസ്. സാന്‍വിയ പുതുമണ്ണില്‍ വിത്തെറിഞ്ഞാണ് സ്‌കൂള്‍ കാര്‍ഷിക പ്രവര്‍ത്തനങ്ങള്‍ക്ക് തുടക്കം കുറിച്ചത്. അതോടൊപ്പം സ്‌കൂള്‍ 7 സെന്റ് സ്ഥലത്ത് വനംവകുപ്പിന്റെയും പള്ളിക്കര ഗ്രാമ പഞ്ചായത്തിന്റെയും സഹകരണത്തോടെ തയ്യാറാക്കുന്ന വിദ്യാവനം, പച്ചത്തുരുത്തിന്റെ ഉദ്ഘാടനം ഗ്രാമ പഞ്ചായത്ത് പ്രസിഡണ്ട് എം.കുമാരന്‍ ഉദ്ഘാടനം ചെയ്തു. വാര്‍ഡ് അംഗം വി.സൂരജ് അധ്യക്ഷനായി. പി.ടി.എ.പ്രസിഡണ്ട് പി.സി.പ്രഭാകരന്‍ അധ്യാപകര്‍ ജനപ്രതിനിധികള്‍ എന്നിവര്‍ പങ്കെടുത്തു.