കുബണൂര്‍ മാലിന്യ പ്ലാന്റ്: അടിയന്തിര പരിഹാരം വേണം-ദുബായ് കെ.എം.സി.സി.

ദുബായ്: മംഗല്‍പാടി പഞ്ചായത്തിലെ കുബണൂരില്‍ സ്ഥിതി ചെയ്യുന്ന മാലിന്യ സംസ്‌കരണ പ്ലാന്റിലെ കുമിഞ്ഞു കൂടിയിരിക്കുന്ന മാലിന്യങ്ങള്‍ സംസ്‌കരിക്കാനും പ്ലാന്റിലും പരിസരങ്ങളിലും ശുചിത്വം ഉറപ്പ് വരുത്താനും അടിയന്തിര നടപടി സ്വീകരിക്കണമെന്ന് ദുബായ് കെ.എം.സി.സി മംഗല്‍പാടി പഞ്ചായത്ത് കമ്മിറ്റി ആവശ്യപ്പെട്ടു.
പരിസ്ഥിതി സൗഹൃദവും ശാസ്ത്രീയവുമായ രീതിയില്‍ മാലിന്യ സംസ്‌കരണം നടത്താനുള്ള നിര്‍ദേശങ്ങളടങ്ങിയ വിശദമായ നിവേദനം ഗ്രാമ പഞ്ചായത്ത്, ബ്ലോക്ക് പഞ്ചായത്ത്, ജില്ലാ പഞ്ചായത്ത്, കലക്ടര്‍, കേരള ഗവണ്‍മെന്റ് എന്നിവര്‍ക്ക് സമര്‍പ്പിക്കുമെന്ന് ഭാരവാഹികള്‍ അറിയിച്ചു. സൂം ആപ്പില്‍ ചേര്‍ന്ന ദുബായ് കെ.എം.സി.സി മംഗല്‍പാടി പഞ്ചായത്ത് എക്‌സിക്യൂട്ടീവ് കമ്മിറ്റിയുടെ വിഡിയോ കോണ്‍ഫറന്‍സ് മണ്ഡലം കമ്മിറ്റി ട്രഷറര്‍ ഇബ്രാഹിം ബേരികെ ഉദ്ഘാടനം ചെയ്തു. പ്രസിഡണ്ട് ജബ്ബാര്‍ ബൈദല അധ്യക്ഷതവഹിച്ചു. മണ്ഡലം കമ്മിറ്റി വൈസ് പ്രസിഡണ്ട് സുബൈര്‍ കുബണൂര്‍ മുഖ്യപ്രഭാഷണം നടത്തി.
മണ്ഡലം സെക്രട്ടറി മുനീര്‍ ബേരിക, പഞ്ചായത്ത് ഭാരവാഹികളായ റസാഖ് ബന്തിയോട്, മുഹമ്മദ് കളായി, ഹാഷിം ബണ്ടസാല, മഹമൂദ് അട്ക, സിദ്ദിഖ് ബപ്പായിതൊട്ടി, സിദ്ദിഖ് പഞ്ചത്തൊട്ടി, അന്‍വര്‍ മുട്ടം, ഫാറൂഖ് അമാനത്, ഇദ്രീസ് അയ്യൂര്‍, അക്ബര്‍ പെരിങ്കടി, ഷൗക്കത് അലി മുട്ടം, നൗഫല്‍ ഉപ്പള, മഹമൂദ് മള്ളങ്കൈ, അഷ്റഫ് കെദക്കാര്‍ എന്നിവര്‍ സംസാരിച്ചു.
പഞ്ചായത്ത് കമ്മിറ്റി ജനറല്‍ സെക്രട്ടറി റസാഖ് ബന്തിയോട് സ്വാഗതവും ട്രഷറര്‍ മുഹമ്മദ് കളായി നന്ദിയും പറഞ്ഞു.