ജിദ്ദ: വിസ നിയമങ്ങള് കര്ശനമാക്കി സൗദി അറേബ്യ. വിസ കാലാവധി തീരുന്നതിന് മുമ്പ് തിരിച്ചെത്തിയില്ലെങ്കില് മൂന്ന് വര്ഷത്തേക്ക് വിലക്കേര്പ്പെടുത്താനാണ് തീരുമാനം. റീ-എന്ട്രി വിസയില് സൗദിക്ക് പുറത്തുപോയ വിദേശികള് തങ്ങളുടെ വിസ കാലാവധി തീരുന്നതിന് മുമ്പ് രാജ്യത്ത് തിരിച്ചെത്തിയിരിക്കണം. അല്ലെങ്കില് അവര്ക്ക് മൂന്ന് വര്ഷത്തേക്ക് രാജ്യത്തേക്ക് പ്രവേശിക്കാന് അനുമതി നിഷേധിക്കുമെന്ന് ജനറല് ഡയറക്ടറേറ്റ് ഓഫ് പാസ്പോര്ട്ട് (ജവാസത്ത്) വ്യക്തമാക്കി.
എന്നാല് നിലവിലുള്ള വിസ കാലാവധി തീര്ന്നാലും നേരത്തെ ജോലി ചെയ്തിരുന്ന തൊഴിലുടമയുടെ അടുത്തേക്ക് പുതിയ വിസയില് വരുന്നതിന് ഈ നിബന്ധന ബാധകമല്ല. വര്ഷങ്ങള്ക്ക് മുമ്പ് റീ-എന്ട്രി വിസയില് രാജ്യം വിട്ട് വിസ കാലാവധി അവസാനിക്കുന്നതിന് മുമ്പ് തിരിച്ചെത്താത്തവരും നിലവില് രാജ്യത്തേക്ക് മടങ്ങാന് ആഗ്രഹിക്കുന്നവരുമായ ചില വിദേശികളില് നിന്നുള്ള ചോദ്യങ്ങള്ക്ക് മറുപടിയായാണ് ജവാസത്തിന്റെ വിശദീകരണം.