കുമ്പള: സാമൂഹ്യ നന്മയും പുരോഗതിയുമായിരിക്കണം ദീനിസ്ഥാപനങ്ങള്‍ ലക്ഷ്യമാക്കേണ്ടതെന്ന് സമസ്ത കേരള ജംഇയ്യത്തുല്‍ ഉലമ ജന:സെക്രട്ടറി പ്രെഫ. കെ. ആലിക്കുട്ടി മുസ്‌ലിയാര്‍ പറഞ്ഞു. കലുഷിതമായ വര്‍ത്തമാനകാലത്ത് സാമൂഹ്യ തിന്മകളെ പ്രതിരോധിക്കുന്നതില്‍ ശക്തമായ നിലപാട് സ്വീകരിക്കാന്‍ യുവ പണ്ഡിതന്മാരും സ്ഥാപനങ്ങളും നേതൃത്വം നല്‍കണമെന്നും അദ്ദേഹം അഭിപ്രായപ്പെട്ടു.
കുമ്പള ഇമാം ശാഫി ഇസ്‌ലാമിക് അക്കാദമി 15-ാം വാര്‍ഷിക രണ്ടാം സനദ് ദാന സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു ഖാസി. ട്രഷറര്‍ മുഹമ്മദ് അറബി ഹാജി കുമ്പള പതാക ഉയര്‍ത്തി. അക്കാദമി ചെയര്‍മാന്‍ ഡോ. എം.എം ഇസുദ്ധീന്‍ മുഹമ്മദ് അധ്യക്ഷതവഹിച്ചു. എം.എസ്. തങ്ങള്‍ അല്‍ ബുഖാരി ഓലമുണ്ട പ്രാര്‍ത്ഥന നടത്തി. അഡ്വ.മുഹമ്മദ് ഫൈസി ഓണമ്പള്ളി, സത്താര്‍ പന്തല്ലൂര്‍ പ്രഭാഷണം നടത്തി. സമസ്ത സമസ്ത കേരള ഇസ്‌ലാം മത വിദ്യഭ്യാസ ബോര്‍ഡ് സെക്രട്ടറി എം.ടി. അബ്ദുല്ല മുസ്‌ലിയാര്‍, പ്രിന്‍സിപ്പല്‍ ബി.കെ. അബ്ദുല്‍ ഖാദര്‍ അല്‍- ഖാസിമി, കെ.എല്‍. അബ്ദുല്‍ ഖാദര്‍ അല്‍-ഖാസിമി, സ്പീക് അബ്ദുല്ലക്കുഞ്ഞി, അലി ദാരിമി, അന്‍വര്‍ അലി ഹുദവി, ഗഫൂര്‍ എരിയാല്‍, അബൂബക്കര്‍ സാലൂദ് നിസാമി, സുബൈര്‍ നിസാമി, അബ്ബാസ് ഫൈസി ചേരൂര്‍, ചെങ്കള അബ്ദുല്ല ഫൈസി, സ്വാലിഹ് മുസ്‌ലിയാര്‍ ചൗക്കി, എസ്.പി സലാഹുദ്ദീന്‍ സംസാരിച്ചു. ഹാഫിള് റാസിം യമാനി ഖിറാഅത്ത് നടത്തി.
