ഉദുമ: യുവതിയുടെ കൈ തല്ലിയൊടിച്ച കേസില്‍ അറസ്റ്റിലായ ഭര്‍ത്താവിനെ റിമാന്‍ന്റ് ചെയ്തു.
പെരിയ കുണിയയിലെ ബഷീറിനെയാ(43)ണ് ബേക്കല്‍ പൊലീസ് അറസ്റ്റ് ചെയ്തത്. കോളിയടുക്കത്തെ മൈമൂനയെയാ(39)ണ് ബഷീര്‍ മര്‍ദ്ദിച്ചത്. കുണിയിലെ വീട്ടില്‍വച്ചാണ് സംഭവം. ബഷീര്‍ മൈമൂനയെ വിറകുകൊണ്ട് ശരീരമാകെ മര്‍ദിച്ച് ബ്ലേഡ് കൊണ്ട് കീറി മുറിവല്‍േപ്പിച്ചുവെന്ന് പൊലീസ് പറഞ്ഞു. ചെര്‍ക്കള ഇ.കെ നായനാര്‍ ആസ്പത്രിയില്‍ പ്രവേശിപ്പിച്ച ഇവരുടെ ഇടതുകൈയുടെ എല്ലുകള്‍ക്ക് പൊട്ടലുണ്ട്.
ഇവര്‍ക്ക് മൂന്നു മക്കളുണ്ട്. അഞ്ച് വര്‍ഷമായി മൈമൂന മാനസികമായും ശാരീരികമായും ബഷീറിന്റെ ക്രൂരപീഡനത്തിന് ഇരയാകുകയായിരുന്നുവെന്ന് പൊലീസ് പറയുന്നു.
