പ്രോസിക്യൂഷന് വാദം തള്ളി ഹൈക്കോടതി; ദിലീപിന് മുന്കൂര് ജാമ്യം അനുവദിച്ചു
കൊച്ചി: അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് പ്രോസിക്യൂഷന് വാദം തള്ളിയ ഹൈക്കോടതി നടന് ദിലീപിന് മുന്കൂര് ജാമ്യം അനുവദിച്ചു. ദിവസങ്ങള് നീണ്ട വിചാരണയ്ക്കൊടുവില് ഇന്ന് രാവിലെ 10. 30 മണിയോടെയാണ് കോടതി ദിലീപിന് മുന്കൂര് ജാമ്യം അനുവദിച്ച് ഉത്തരവിട്ടത്. പ്രതിയെ കസ്റ്റഡിയിലെടുത്ത് ചോദ്യം ചെയ്യണമെന്ന പ്രോസിക്യൂഷന്റെ വാദം തള്ളിയാണ് കോടതിയുടെ ഉത്തരവ്. ജാമ്യ ഉപാധി ലംഘിച്ചാല് പ്രോസിക്യൂഷന് അറസ്റ്റ് അപേക്ഷയുമായി കോടതിയെ സമീപിക്കാമെന്ന് വിധിയില് വ്യക്തമാക്കിയിട്ടുണ്ട്. ദിലീപിന് മുന്കൂര് ജാമ്യം അനുവദിക്കരുതെന്ന പ്രോസിക്യൂഷന്റെ അപേക്ഷയും കോടതി […]
കൊച്ചി: അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് പ്രോസിക്യൂഷന് വാദം തള്ളിയ ഹൈക്കോടതി നടന് ദിലീപിന് മുന്കൂര് ജാമ്യം അനുവദിച്ചു. ദിവസങ്ങള് നീണ്ട വിചാരണയ്ക്കൊടുവില് ഇന്ന് രാവിലെ 10. 30 മണിയോടെയാണ് കോടതി ദിലീപിന് മുന്കൂര് ജാമ്യം അനുവദിച്ച് ഉത്തരവിട്ടത്. പ്രതിയെ കസ്റ്റഡിയിലെടുത്ത് ചോദ്യം ചെയ്യണമെന്ന പ്രോസിക്യൂഷന്റെ വാദം തള്ളിയാണ് കോടതിയുടെ ഉത്തരവ്. ജാമ്യ ഉപാധി ലംഘിച്ചാല് പ്രോസിക്യൂഷന് അറസ്റ്റ് അപേക്ഷയുമായി കോടതിയെ സമീപിക്കാമെന്ന് വിധിയില് വ്യക്തമാക്കിയിട്ടുണ്ട്. ദിലീപിന് മുന്കൂര് ജാമ്യം അനുവദിക്കരുതെന്ന പ്രോസിക്യൂഷന്റെ അപേക്ഷയും കോടതി […]
കൊച്ചി: അന്വേഷണ ഉദ്യോഗസ്ഥരെ അപായപ്പെടുത്താന് ശ്രമിച്ചെന്ന കേസില് പ്രോസിക്യൂഷന് വാദം തള്ളിയ ഹൈക്കോടതി നടന് ദിലീപിന് മുന്കൂര് ജാമ്യം അനുവദിച്ചു. ദിവസങ്ങള് നീണ്ട വിചാരണയ്ക്കൊടുവില് ഇന്ന് രാവിലെ 10. 30 മണിയോടെയാണ് കോടതി ദിലീപിന് മുന്കൂര് ജാമ്യം അനുവദിച്ച് ഉത്തരവിട്ടത്. പ്രതിയെ കസ്റ്റഡിയിലെടുത്ത് ചോദ്യം ചെയ്യണമെന്ന പ്രോസിക്യൂഷന്റെ വാദം തള്ളിയാണ് കോടതിയുടെ ഉത്തരവ്. ജാമ്യ ഉപാധി ലംഘിച്ചാല് പ്രോസിക്യൂഷന് അറസ്റ്റ് അപേക്ഷയുമായി കോടതിയെ സമീപിക്കാമെന്ന് വിധിയില് വ്യക്തമാക്കിയിട്ടുണ്ട്. ദിലീപിന് മുന്കൂര് ജാമ്യം അനുവദിക്കരുതെന്ന പ്രോസിക്യൂഷന്റെ അപേക്ഷയും കോടതി അംഗീകരിച്ചില്ല.
മുന്കൂര് ജാമ്യാപേക്ഷ തള്ളിയാല് ദിലീപിനെ അറസ്റ്റ് ചെയ്യാനുള്ള നീക്കവുമായി അന്വേഷണ സംഘം രാവിലെ മുതല് വീടിന് സമീപത്തുണ്ടായിരുന്നു. ദിലീപിന്റെ പദ്മസരോവരം വീടിന് സമീപത്തായി നിരവധി പൊലീസ് -ക്രൈംബ്രാഞ്ച് ഉദ്യോഗസ്ഥരാണ് ഉണ്ടായിരുന്നത്. ജാമ്യഹരജി തള്ളിയാല് വീട്ടില് ദിലീപുണ്ടോയെന്ന് അന്വേഷിച്ച് കയറാനായിരുന്നു പൊലീസ് നീക്കം. ദിലീപിന്റെ വീടായ പദ്മസരോവരത്തില് നിന്ന് രാവിലെ ജോലിക്കാര് പോയിരുന്നു. വീട്ടില് ആരുമില്ലെന്നാണ് ജീവനക്കാര് പറഞ്ഞത്. ദിലീപിന്റെ സഹോദരന് അനൂപിന്റെ വീടിന് മുന്നിലും ക്രൈംബ്രാഞ്ച് ഉദ്യോഗസ്ഥര് കാത്തിരുന്നിരുന്നു. എന്നാല് കോടതി വിധി വന്നതോടെ രണ്ടിടത്ത് നിന്നും ക്രൈംബ്രാഞ്ച് ഉദ്യോഗസ്ഥര് പിന്വലിഞ്ഞു. വിധി പറയാനിരിക്കെ പ്രധാന സാക്ഷിയായ ബാലചന്ദ്രകുമാറിന്റെ ഓഡിയോ സന്ദേശം ഇന്നലെ പുറത്തു വന്നിരുന്നു. തന്റെ 19 ലക്ഷം രൂപ കടം വീട്ടാന് ദിലീപിടപെടണമെന്നാവശ്യപ്പെട്ടയച്ച ശബ്ദരേഖയാണ് പ്രതിഭാഗം കോടതിയില് ഹാജരാക്കിയത്. ബാലചന്ദ്രകുമാറിന്റെ ആവശ്യങ്ങള് നിരസിച്ചതിലുള്ള വൈരാഗ്യമാണ് തനിക്കെതിരായ വധഗൂഡാലോചനാക്കേസിന് കാരണമെന്നാണ് ദിലീപിന്റെ വാദം. ഉദ്യോഗസ്ഥരെ വധിക്കണമെന്ന് ദിലീപും സഹോദരന് അനൂപും പറയുന്ന ഓഡിയോ ബാലചന്ദ്രകുമാര് പുറത്തു വിട്ടതിന് പിന്നാലെയാണ് ദിലീപ് ക്യാംപില് നിന്നും ഈ ഓഡിയോ ക്ലിപ്പ് പുറത്തു വന്നത്. ദിലീപിന്റെയും കൂട്ടുപ്രതികളുടെയും ശബ്ദ പരിശോധന രണ്ടുദിവസത്തിനകം നടത്താന് ക്രൈംബ്രാഞ്ച് തീരുമാനിച്ചിട്ടുണ്ട്. ഇതിനായി കാക്കനാട്ടെ ചിത്രാഞ്ജലി സ്റ്റുഡിയോ അധികൃതരുമായി അന്വേഷണസംഘം സംസാരിച്ചിരുന്നു. മുന്കൂര് ജാമ്യാപേക്ഷ കോടതി തള്ളിയാല് ദിലീപിനെ അറസ്റ്റ് ചെയ്തു കൊണ്ടു വരാനും അല്ലാത്ത പക്ഷം നോട്ടീസ് നല്കി തെളിവെടുപ്പിന് എത്തിക്കാനുമാണ് അന്വേഷണസംഘത്തിന്റെ ആലോചന.
