കൊച്ചി: സംസ്ഥാനത്ത് പ്ലാസ്റ്റിക് ക്യാരി ബാഗുകള്ക്ക് നിരോധനം ഏര്പ്പെടുത്തിയ സര്ക്കാര് നടപടി ഹൈക്കോടതി റദ്ദാക്കി. 60 ജി.എസ്.എമ്മിന് താഴെ ഘനമുള്ള പ്ലാസ്റ്റിക് ക്യാരി ബാഗുകള്ക്ക് നിരോധനം ഏര്പ്പെടുത്തിയതാണ് കോടതി റദ്ദാക്കിയത്.
ഇതിന് സംസ്ഥാന സര്ക്കാരിന് അധികാരം ഇല്ലെന്ന് ജസ്റ്റിസ് എന്. നഗരേഷ് വ്യക്തമാക്കി. നിരോധനത്തിന് പ്ലാസ്റ്റിക് വേസ്റ്റ് മാനേജ്മെന്റ് ചട്ട പ്രകാരം അധികാരം കേന്ദ്ര സര്ക്കാരിനാണെന്ന് ചൂണ്ടിക്കാട്ടിയാണ് ഹൈക്കോടതി സംസ്ഥാന സര്ക്കാറിന്റെ തീരുമാനം റദ്ദാക്കിയത്. നിരോധനത്തിനെതിരെ അങ്കമാലി സ്വദേശി ഡോ. തിരുമേനിയും മറ്റും സമര്പ്പിച്ച ഹര്ജികള് അനുവദിച്ചതാണ് കോടതി ഉത്തരവ്.