ദുബായ്: യു.എ.ഇയുടെ 50-ാം ദേശീയ ദിനാഘോഷവുമായി ബന്ധപ്പെട്ട് യു.എ.ഇ-പാടലടുക്ക പ്രവാസി കൂട്ടായ്മ അബു ഹൈല്‍ ഗ്രൗണ്ടില്‍ സംഘടിപ്പിച്ച ഫുട്‌ബോള്‍ പ്രീമിയര്‍ ലീഗില്‍ ബ്ലൂ ഡ്രാഗണ്‍ എം.എസ്.ടി ജേതാക്കളായി. ഫൈനലില്‍ മോയിസ് ഫൈറ്റേഴ്‌സിനെ എതിരില്ലാത്ത ഒരു ഗോളിനാണ് പരാജയപ്പെടുത്തിയത്.
ഫാമിലി മീറ്റും സ്‌നേഹ സംഗമവും ഉള്‍പ്പെട്ട പ്രവാസി കൂട്ടായ്മ ദുബായ് കെ.എം.സി.സി ജില്ലാ പ്രസിഡണ്ട് അബ്ദുല്ല ആറങ്ങാടി ഉദ്ഘാടനം ചെയ്തു. ജനറല്‍ സെക്രട്ടറി സലാം കന്യപ്പാടി ഫുട്‌ബോള്‍ പ്രീമിയര്‍ ലീഗിന്റെ ഉദ്ഘാടനം നിര്‍വഹിച്ചു. ഹനീഫ് ടി.ആര്‍, അഡ്വ. ഇബ്രാഹിം ഖലീല്‍, ഇബ്രാഹിം ബേരികെ, ഫൈസല്‍ മുഹ്സിന്‍, ഡോ. ഇസ്മായില്‍ മൊഗ്രാല്‍, റൗഫ് കെ.ജി.എന്‍ ഉദുമ, സലിം മൊഗ്രാല്‍, യൂസഫ് ഷേണി, ഫാറൂഖ് മാസ്റ്റര്‍ ഷിറിയ, അഷ്റഫ് മാസ്റ്റര്‍, ഹനീഫ് കട്ടക്കാല്‍, സൈഫുദ്ദിന്‍ മൊഗ്രാല്‍, ജംഷീദ് അടുക്ക, സിദ്ദിഖ് കയ്യാര്‍, ഷംസീര്‍ ചെമ്മു അരിമല സംസാരിച്ചു. അസ്‌കര്‍ മുഗു, അര്‍ഷാദ് മാടത്തട്ക്ക, അര്‍ഷാദ് കന്യപ്പാടി, അര്‍ഷാദ് ബാപ്പാലിപ്പൊനം, റാസിഖ് മൊഗ്രാല്‍ എന്നിവര്‍ മത്സരം നിയന്ത്രിച്ചു. സമാപന ചടങ്ങില്‍ ഫൈസല്‍ പട്ടേല്‍, താത്തു തല്‍ഹത് ടിഫാ എന്നിവര്‍ ജേതാക്കള്‍ക്കുള്ള ട്രോഫികള്‍ സമ്മാനിച്ചു. അമീര്‍ പാടലട്ക, ഹൈദര്‍ പാടലട്ക, നൗഫല്‍ നീര്‍ച്ചാല്‍, ഷഫീഖ് പാടലട്ക, അന്‍വര്‍ പാടലട്ക സ്‌നേഹ സംഗമത്തിന് നേതൃത്വം നല്‍കി. ഷംസു മാസ്റ്റര്‍ സ്വാഗതവും സലാം പാടലട്ക നന്ദിയും പറഞ്ഞു.
