ചെമ്മനാട് ജമാഅത്ത് സ്‌കൂള്‍ പൂര്‍വ്വ വിദ്യാര്‍ത്ഥി സംഘടനയുടെ മെഗാ മെഡിക്കല്‍ ക്യാമ്പ് ഞായറാഴ്ച
കാസര്‍കോട്: ചെമ്മനാട് ജമാഅത്ത് ഹയര്‍ സെക്കണ്ടറി സ്‌കൂള്‍ പൂര്‍വ്വ വിദ്യാര്‍ത്ഥി സംഘടനയുടെയും മംഗളൂരു ഫാദര്‍ മുള്ളേഴ്‌സ് ഹോസ്പിറ്റലിന്റെയും സംയുക്താഭിമുഖ്യത്തില്‍ നാളെ രാവിലെ 9.30 മുതല്‍ വൈകിട്ട് 3 മണി വരെ ചെമ്മനാട് ജമാഅത്ത് ഹയര്‍ സെക്കണ്ടറി സ്‌കൂളില്‍ മെഗാ മെഡിക്കല്‍ ക്യാമ്പ് നടത്തും. പഞ്ചായത്ത് പ്രസിഡണ്ട് സുഫൈജ അബൂബക്കര്‍ ഉദ്ഘാടനം ചെയ്യും. മുന്‍ മന്ത്രിയും സി.ജെ.എച്ച്.എസ് മാനേജറുമായ സി.ടി അഹ്മദലി മുഖ്യാതിഥിയായിരിക്കും. ഒ.എസ്.എ പ്രസിഡണ്ട് മുജീബ് അഹ്മദ് അധ്യക്ഷത വഹിക്കും.ബ്ലോക്ക് പഞ്ചായത്തംഗം എന്‍.എ ബദറുല്‍ മുനീര്‍, പഞ്ചായത്ത് വൈസ് പ്രസിഡണ്ട് മന്‍സൂര്‍ കുരിക്കള്‍, പഞ്ചായത്തംഗം അമീര്‍ പാലോത്ത്, പി.ടി.എ പ്രസിഡണ്ട് കെ.ടി നിയാസ്, പ്രിന്‍സിപ്പള്‍ ഡോ. സുകുമാരന്‍ നായര്‍, ഹെഡ്മാസ്റ്റര്‍ കെ. വിജയന്‍ എന്നിവര്‍ സംബന്ധിക്കും.ഒ.എസ്.എ ജന. സെക്രട്ടറി ശംസുദ്ദീന്‍ ചിറാക്കല്‍ സ്വാഗതവും ട്രഷറര്‍ കെ.വി സുല്‍വന്‍ നന്ദിയും പറയും.ജനറല്‍ മെഡിസിന്‍, ജനറല്‍ സര്‍ജന്‍, സ്ത്രീരോഗ വിഭാഗം, ശിശുരോഗ വിഭാഗം, എല്ല് രോഗവിഭാഗം, ചര്‍മ്മരോഗ വിഭാഗം, ഇ.എന്‍.ടി, കണ്ണ്‌രോഗ വിഭാഗം, കാന്‍സര്‍ ചികിത്സാ വിഭാഗം, ഗാസ്‌ട്രോ, മൂത്രാശയരോഗം, സ്പീച്ച് ആന്റ് ഹിയറിംഗ് വിഭാഗങ്ങളിലെ പ്രഗത്ഭ ഡോക്ടര്‍മാര്‍ രോഗികളെ പരിശോധിക്കുമെന്ന് സംഘാടകര്‍ അറിയിച്ചു.കൂടുതല്‍ വിവരങ്ങള്‍ക്കും രജിസ്ട്രേഷനും ബന്ധപ്പെടുക: 9495345640, 9895823318, 9846916022, 7012686823, 9895865008.
