നാല് വര്‍ഷമായി മയക്ക് മരുന്ന് ഉപയോഗിക്കുന്നു; ചോദ്യം ചെയ്യലില്‍ പൊട്ടിക്കരഞ്ഞ് ആര്യന്‍ ഖാന്‍
മുംബൈ: കഴിഞ്ഞ നാല് വര്‍ഷമായി ലഹരി മരുന്ന് ഉപയോഗിക്കുന്നുണ്ടെന്ന് കഴിഞ്ഞ ദിവസം കോര്‍ഡെലിയ ആഡംബര കപ്പലില്‍ നര്‍ക്കോട്ടിക് കണ്‍ട്രോള്‍ ബ്യൂറോ (എന്‍.സി.ബി.)യുടെ റെയ്ഡില്‍ പിടിയിലായ, നടന്‍ ഷാറൂഖ്ഖാന്റെ മകന്‍ ആര്യന്‍ഖാന്‍ വെളിപ്പെടുത്തിയതായി അന്വേഷണ സംഘം പറഞ്ഞു. മണിക്കൂറുകള്‍ നീണ്ട ചോദ്യം ചെയ്യലിനിടെ എന്‍.സി.ബി. ഉദ്യോഗസ്ഥര്‍ക്ക് മുന്നില്‍ ആര്യന്‍ ഖാന്‍ തുടര്‍ച്ചയായി പൊട്ടിക്കരഞ്ഞതായും റിപ്പോര്‍ട്ടുകളുണ്ട്. ബ്രിട്ടണിലും ദുബായിലും താമസിച്ചിരുന്ന സമയത്ത് ലഹരി മരുന്ന് ഉപയോഗിച്ചിരുന്നതായും ആര്യന്‍ അന്വേഷണ സംഘത്തോട് വെളിപ്പെടുത്തി. ആഡംബര കപ്പലിലെ ലഹരി പാര്‍ട്ടിക്കിടെ ആര്യന്‍ഖാന്‍ ഉള്‍പ്പെടെ […]
മുംബൈ: കഴിഞ്ഞ നാല് വര്‍ഷമായി ലഹരി മരുന്ന് ഉപയോഗിക്കുന്നുണ്ടെന്ന് കഴിഞ്ഞ ദിവസം കോര്‍ഡെലിയ ആഡംബര കപ്പലില്‍ നര്‍ക്കോട്ടിക് കണ്‍ട്രോള്‍ ബ്യൂറോ (എന്‍.സി.ബി.)യുടെ റെയ്ഡില്‍ പിടിയിലായ, നടന്‍ ഷാറൂഖ്ഖാന്റെ മകന്‍ ആര്യന്‍ഖാന്‍ വെളിപ്പെടുത്തിയതായി അന്വേഷണ സംഘം പറഞ്ഞു. മണിക്കൂറുകള്‍ നീണ്ട ചോദ്യം ചെയ്യലിനിടെ എന്‍.സി.ബി. ഉദ്യോഗസ്ഥര്‍ക്ക് മുന്നില്‍ ആര്യന്‍ ഖാന്‍ തുടര്‍ച്ചയായി പൊട്ടിക്കരഞ്ഞതായും റിപ്പോര്‍ട്ടുകളുണ്ട്. ബ്രിട്ടണിലും ദുബായിലും താമസിച്ചിരുന്ന സമയത്ത് ലഹരി മരുന്ന് ഉപയോഗിച്ചിരുന്നതായും ആര്യന്‍ അന്വേഷണ സംഘത്തോട് വെളിപ്പെടുത്തി. ആഡംബര കപ്പലിലെ ലഹരി പാര്‍ട്ടിക്കിടെ ആര്യന്‍ഖാന്‍ ഉള്‍പ്പെടെ […]
മുംബൈ: കഴിഞ്ഞ നാല് വര്‍ഷമായി ലഹരി മരുന്ന് ഉപയോഗിക്കുന്നുണ്ടെന്ന് കഴിഞ്ഞ ദിവസം കോര്‍ഡെലിയ ആഡംബര കപ്പലില്‍ നര്‍ക്കോട്ടിക് കണ്‍ട്രോള്‍ ബ്യൂറോ (എന്‍.സി.ബി.)യുടെ റെയ്ഡില്‍ പിടിയിലായ, നടന്‍ ഷാറൂഖ്ഖാന്റെ മകന്‍ ആര്യന്‍ഖാന്‍ വെളിപ്പെടുത്തിയതായി അന്വേഷണ സംഘം പറഞ്ഞു. മണിക്കൂറുകള്‍ നീണ്ട ചോദ്യം ചെയ്യലിനിടെ എന്‍.സി.ബി. ഉദ്യോഗസ്ഥര്‍ക്ക് മുന്നില്‍ ആര്യന്‍ ഖാന്‍ തുടര്‍ച്ചയായി പൊട്ടിക്കരഞ്ഞതായും റിപ്പോര്‍ട്ടുകളുണ്ട്. ബ്രിട്ടണിലും ദുബായിലും താമസിച്ചിരുന്ന സമയത്ത് ലഹരി മരുന്ന് ഉപയോഗിച്ചിരുന്നതായും ആര്യന്‍ അന്വേഷണ സംഘത്തോട് വെളിപ്പെടുത്തി. ആഡംബര കപ്പലിലെ ലഹരി പാര്‍ട്ടിക്കിടെ ആര്യന്‍ഖാന്‍ ഉള്‍പ്പെടെ എട്ടുപേരെയാണ് എന്‍.സി.ബി. അറസ്റ്റ് ചെയ്തത്. ആര്യന്‍ഖാന്റെ ഉറ്റ സുഹൃത്ത് അര്‍ബാസ് മര്‍ച്ചന്റ്, നടിയും മോഡലുമായ മുണ്‍മുണ്‍ ധമേച്ച, ഇസ്മിത്ത് സിംഗ്, മൊഹക് ജസ്‌വാല്‍, ഗോമിത് ചോപ്ര, നുപുര്‍ സരിക, വിക്രാന്ത് ചോക്കാര്‍ എന്നിവരും അറസ്റ്റിലായിട്ടുണ്ട്.
ആര്യന്‍ ഖാന്‍ ലെന്‍സ് കെയ്‌സിലും(കണ്ണട സൂക്ഷിക്കുന്ന ബോക്‌സ്)നടി മുണ്‍മുണ്‍ ധമേച്ച സാനിറ്ററി പാഡുകള്‍ക്ക് ഇടയിലും മറ്റുള്ളവര്‍ മരുന്ന് പെട്ടികളിലും മയക്കുമരുന്ന് സൂക്ഷിച്ചിരുന്നതായി അന്വേഷണ സംഘം വെളിപ്പെടുത്തി. ചരസ്, എം.ഡി.എം.എ, കൊക്കെയ്ന്‍ അടക്കമുള്ളവ റെയ്ഡില്‍ കണ്ടെത്തിയിട്ടുണ്ട്. നിരോധിത മയക്കുമരുന്നുകളെക്കുറിച്ച് ആര്യന്‍ ഖാനും സുഹൃത്തുക്കളും ഒന്നിലധികം തവണ ചാറ്റ് ചെയ്തിരുന്നതായി വാട്‌സ്ആപ്പ് ചാറ്റുകള്‍ പരിശോധിച്ചതില്‍ വ്യക്തമായി.
ആഡംബര കപ്പലിലെ ലഹരി പാര്‍ട്ടിക്കിടെയാണ് ശനിയാഴ്ച രാത്രി എന്‍.സി.ബി. ഉദ്യോഗസ്ഥര്‍ റെയ്ഡ് നടത്തിയത്. മണിക്കൂറുകള്‍ നീണ്ട ചോദ്യം ചെയ്യലിന് ശേഷമായിരുന്നു ആര്യനെ അറസ്റ്റ് ചെയ്തത്. കോടതിയില്‍ ഹാജരാക്കിയ ആര്യന്‍ അടക്കമുള്ളവരെ ഇന്നുവരെ പൊലീസ് കസ്റ്റഡിയില്‍ വിട്ടിട്ടുണ്ട്. കപ്പലില്‍ ലഹരിപാര്‍ട്ടി നടക്കുമെന്ന രഹസ്യവിവരം ഏകദേശം 15 ദിവസം മുമ്പുതന്നെ എന്‍.സി.ബി. ഉദ്യോഗസ്ഥര്‍ക്ക് ലഭിച്ചിരുന്നു. ഇതേത്തുര്‍ന്നാണ് എന്‍.സി.ബി. മുംബൈ സോണല്‍ ഡയറക്ടര്‍ സമീര്‍ വാങ്ക്‌ഡെയും സംഘവും ടിക്കറ്റെടുത്ത് യാത്രക്കാര്‍ എന്ന നിലയില്‍ കപ്പലില്‍ കയറിയത്. അര്‍ധരാത്രിയോടെ ആഘോഷം തുടങ്ങിയശേഷമാണ് ഇവര്‍ റെയ്ഡ് നടത്തി എട്ടുപേരെയും കസ്റ്റഡിയിലെടുത്തത്. കപ്പല്‍ പിന്നീട് മുംബൈയിലേക്ക് തിരികെയെത്തിച്ച് ഇവരെ ഇറക്കിയശേഷം ഗോവയ്ക്ക് യാത്രതുടര്‍ന്നു. കപ്പലില്‍ 100 യാത്രക്കാര്‍ ഉണ്ടായിരുന്നു. ലഹരിപ്പാര്‍ട്ടിയില്‍ പങ്കെടുക്കാന്‍ ഒരുലക്ഷം രൂപയായിരുന്നു ടിക്കറ്റ്. ആര്യന്‍ഖാന്‍ പ്രത്യേക ക്ഷണിതാവായിരുന്നു എന്നാണ് പറയപ്പെടുന്നത്. പിടിയിലായവരില്‍ ഡല്‍ഹിയിലെ ഒരു വ്യാപാരിയുടെ മക്കളും ഉണ്ടെന്നാണ് റിപ്പോര്‍ട്ട്. ആര്യന്റെ അറസ്റ്റുവിവരം അറിഞ്ഞ് അമ്മ ഗൗരിഖാന്‍ ഉച്ചയോടെ കോടതിയിലെത്തി. പ്രമുഖ ക്രിമിനല്‍ അഭിഭാഷകന്‍ സതീഷ് മാനേ ഷിന്‍ഡെ ആര്യനുവേണ്ടി എന്‍.സി.ബി. ഓഫീസില്‍ എത്തി. ആര്യന്‍ ഖാന്റെ ജാമ്യാപേക്ഷ ഇന്ന് കോടതി പരിഗണിക്കും. ഷാരൂഖ് ഖാന്‍ ഷൂട്ടിംഗിന്റെ ഭാഗമായി സ്‌പെയിനിലാണുള്ളത്.
