കേരളം ആസ്വദിക്കുന്നത് പ്രവാസികളുടെ വിയര്‍പ്പിന്റെ ഉപ്പ്- ഷെരീഫ് സാഗര്‍
ദുബായ് കെ.എം.സി.സി കാസര്‍കോട് ജില്ലാ കമ്മിറ്റിയുടെ എക്സിക്യുട്ടീവ് യോഗത്തില്‍ മുസ്ലിം യൂത്ത് ലീഗ് സംസ്ഥാന പ്രവര്‍ത്തക സമിതി അംഗം ഷരീഫ് സാഗര്‍ സംസാരിക്കുന്നു
ദുബായ്: കേരളത്തിന്റെ സാമൂഹിക ശാക്തീകരണത്തിന് പ്രവാസികളുടെ പങ്ക് മഹത്തരമാണെന്ന് എഴുത്തുകാരനും മുസ്ലിം യൂത്ത് ലീഗ് സംസ്ഥാന പ്രവര്‍ത്തക സമിതി അംഗവുമായ ഷെരീഫ് സാഗര്‍ പറഞ്ഞു. അബുഹൈല്‍ കെ. എം.സി.സി ആസ്ഥാനത്ത് ചേര്‍ന്ന ദുബായ് കെ.എം. സി.സി കാസര്‍കോട് ജില്ലാ കമ്മിറ്റി എക്സിക്യുട്ടീവ് യോഗത്തില്‍ സംസാരിക്കുകയായിരുന്നു അദ്ദേഹം. കേരളം ആസ്വദിക്കുന്നത് പ്രവാസികളുടെ വിയര്‍പ്പിന്റെ ഉപ്പാണെന്നും അദ്ദേഹം പറഞ്ഞു. കെ.എം.സി.സി സംസ്ഥാന വൈസ് പ്രസിഡണ്ട് ഹംസ തൊട്ടി ഉദ്ഘാടനം ചെയ്തു. ജില്ലാ പ്രസിഡണ്ട് സലാം കന്യപ്പാടി അധ്യക്ഷത വഹിച്ചു. ജനറല്‍ സെക്രട്ടറി ഹനീഫ് ടി.ആര്‍ സ്വാഗതം പറഞ്ഞു. സംസ്ഥാന സെക്രട്ടറി അഫ്‌സല്‍ മെട്ടമ്മല്‍, ജില്ലാ ഭാരവാഹികളായ സലാം തട്ടാഞ്ചേരി, ഇസ്മായില്‍ നാലാം വാതുക്കല്‍, സുബൈര്‍ അബ്ദുല്ല, റഫീഖ് പടന്ന, ഫൈസല്‍ മോഹ്‌സിന്‍ തളങ്കര, സി.എ. ബഷീര്‍ പള്ളിക്കര, അശ്‌റഫ് ബായാര്‍, സുബൈര്‍ കുബനൂര്‍, സിദ്ദീഖ് ചൗക്കി, ബഷീര്‍ പാറപ്പള്ളി, ആസിഫ് ഹൊസങ്കടി സംസാരിച്ചു. ജില്ലാ ട്രഷറര്‍ ഡോ. ഇസ്മായില്‍ നന്ദി പറഞ്ഞു.
