യു.എ.ഇയോട് കേരളത്തിന് തീര്‍ത്താല്‍ തീരാത്ത കടപ്പാട് -അസിം വെളിമണ്ണ
ദുബായ്: നാടിന്റെ വികസനത്തിലും കേരളീയരുടെ സര്‍വ്വപുരോഗതിയിലും അദ്വിതീയമായ പങ്കുള്ള രാജ്യമാണ് യു.എ.ഇ. എന്നും ഇന്ത്യക്ക് വിശിഷ്യാ കേരളീയര്‍ക്ക് തീര്‍ത്താല്‍ തീരാത്ത കടപ്പാടുള്ള രാജ്യമാണിതെന്നും ദേശീയ പാരാലിംബിക്‌സ് ചാമ്പ്യന്‍ അസിം വെളിമണ്ണ പറഞ്ഞു. ദുബായ് കെ.എം.സി.സി. കാസര്‍ക്കോട് ജില്ലാ കമ്മിറ്റി യു.എ.ഇയുടെ 53-ാമത് ദേശീയ ദിനാഘോഷം ഈദുല്‍ ഇത്തിഹാദിനോടനുബന്ധിച്ച് ദുബായ് ഹെല്‍ത്ത് അതോറിറ്റി ആസ്ഥാനത്ത് സംഘടിപ്പിക്കുന്ന മെഗാ രക്തദാന കാമ്പിന്റെ പോസ്റ്റര്‍ പ്രകാശനം നിര്‍വഹിച്ച് സംസാരിക്കുകയായിരുന്നു അസിം. കെ.എം.സി.സിയുടെ സേവനപ്രവര്‍ത്തനങ്ങള്‍ പ്രവാസലോകത്തും നാട്ടിലും അങ്ങേയറ്റം പ്രശംസനീയമാണ്.ജീവകാരുണ്യപ്രവര്‍ത്തനം എന്ന് കേള്‍ക്കുമ്പോള്‍ ആദ്യം മനസിലോടിയെത്തുന്ന നാമം കെ.എം.സി.സിയുടേതാണെന്നും ഏത് നാട്ടില്‍ ചെന്നാലും കെ.എം.സി.സി ആ നാട്ടിലെ അവിഭാജ്യഘടകമായി മാറിയെന്നും അസിം അഭിപ്രായപ്പെട്ടു. ഈ നാടിന്റെ ദേശീയദിനത്തില്‍ രക്തദാനം ചെയ്യുക വഴി ഈ ജനതയോട് കാണിക്കുന്ന ഏറ്റവും മികച്ച സന്നദ്ധ സേവനമാണ് കെ.എം.സി.സി നിര്‍വഹിക്കുന്നത് അസിം കൂട്ടിച്ചേര്‍ത്തു. 1000 യൂണിറ്റ് രക്തം ദാനമാണ് ഈ ക്യാമ്പിലൂടെ ലക്ഷ്യം വെക്കുന്നത്. കഴിഞ്ഞ വര്‍ഷങ്ങളിലും ജില്ലാ കമ്മിറ്റി മെഗാ രക്തദാന ക്യാമ്പ് സംഘടിപ്പിച്ചിരുന്നു.സ്‌പോര്‍ട്‌സ് കാറ്റഗറിയില്‍ ഇക്കൊല്ലത്തെ സ്റ്റേറ്റ് ഭിന്നശേഷി അവാര്‍ഡിന് അര്‍ഹനായ മുഹമ്മദ് അസിം വെളിമണ്ണക്ക് ദുബായ് കെ.എം.സി.സി കാസര്‍കോട് ജില്ലാ കമ്മിറ്റിയുടെ സ്‌നേഹോപഹാരം ജില്ലാ പ്രസിഡണ്ട് സലാം കന്യപ്പാടി സമ്മാനിച്ചു. അഫ്‌സല്‍ മെട്ടമ്മല്‍ ആദരിച്ചു.ജില്ലാ കെ.എം.സി.സി അധ്യക്ഷന്‍ സലാം കന്യപ്പാടിയുടെ അധ്യക്ഷതയില്‍ മുന്‍ പ്രസിഡണ്ട് അബ്ദുല്ല ആറങ്ങാടി ഉദ്ഘാടനം ചെയ്തു. ആക്ടിംഗ് ജനറല്‍ സെക്രട്ടറി അഷ്‌റഫ് ബായാര്‍ സ്വാഗതം പറഞ്ഞു. മുന്‍ ജില്ലാ ഭാരവാഹികളായ അഫ്‌സല്‍ മൊട്ടമ്മല്‍, റാഫി പള്ളിപ്പുറം, റഷീദ് ഹാജി കല്ലിങ്കാല്‍, ജില്ലാ ഭാരവാഹികളായ സി.എച്ച് നൂറുദ്ദീന്‍, റഫീഖ് പടന്ന, ഹസൈനാര്‍ ബീജന്തടുക്ക, കെ.പി അബ്ബാസ്, മൊയ്തീന്‍ ബാവ, ബഷീര്‍ സി.എ, ഫൈസല്‍ മുഹ്‌സിന്‍, പി.ഡി നൂറുദ്ദീന്‍, റഫീഖ് എ.സി, ബഷീര്‍ പാറപ്പള്ളി, മണ്ഡലം ഭാരവാഹികളായ ഫൈസല്‍ പട്ടേല്‍, റഫീഖ് മാങ്ങാട്, അഷ്‌കര്‍ ചൂരി, ഹനീഫ് കട്ടക്കാല്‍, മന്‍സൂര്‍ മര്‍ത്ത്യ, സത്താര്‍ ആലമ്പാടി, സുഹൈല്‍ കോപ്പ, സഫ്‌വാന്‍ അണങ്കൂര്‍ തുടങ്ങിയവര്‍ സംബന്ധിച്ചു. ട്രഷറര്‍ ഡോ. ഇസ്മയില്‍ നന്ദി പറഞ്ഞു.
