ഹൊസങ്കടി: മജീര്‍പള്ളയില്‍ ടിപ്പര്‍ ലോറിയും ബസും കൂട്ടിയിടിച്ച് ബസ് യാത്രക്കാരായ നാല് പേര്‍ക്ക് പരിക്കേറ്റു. ഇന്ന് രാവിലെ ഏഴ് മണിയോടെ മജീര്‍പള്ള ബെളിപ്പഗുളിയിലാണ് അപകടം. ബസ് യാത്രക്കാരായ ദൈഗോളിയിലെ ഇബ്രാഹി(45)മിനും രണ്ട് സ്ത്രീകള്‍ക്കും ബസ് ഡ്രൈവര്‍ക്കുമാണ് പരിക്കേറ്റത്. ഇവരെ സ്വകാര്യ ആസ്പത്രിയില്‍ പ്രവേശിപ്പിച്ചു. ആനക്കല്ല് ഭാഗത്ത് നിന്ന് ഹൊസങ്കടി ഭാഗത്തേക്ക് വരികയായിരുന്ന വിഷ്ണു ബസും ആനക്കല്ല് ഭാഗത്തേക്ക് പോവുകയായിരുന്ന ടിപ്പര്‍ ലോറിയുമാണ് കൂട്ടിയിടിച്ചത്. സാമൂഹിക പ്രവര്‍ത്തകന്‍ റസാഖ് ആര്‍.കെയും നാട്ടുകാരും ചേര്‍ന്നാണ് പരിക്കേറ്റവരെ ആസ്പത്രിയില്‍ എത്തിച്ചത്.
