ചെറുവത്തൂര്: ചലച്ചിത്ര-നാടക നടന് ടി.പി കുഞ്ഞിക്കണ്ണന് അന്തരിച്ചു. കാസര്കോട് ചെറുവത്തൂര് സ്വദേശിയായ ഇദ്ദേഹം പൊതുമരാമത്ത് വകുപ്പില് എഞ്ചിനീയറായിരുന്നു. ഇന്ന് പുലര്ച്ചെ ഹൃദയാഘാതം മൂലമാണ് മരണം. കുഞ്ചാക്കോ ബോബന് നായകനായി ‘ന്നാ താന് കേസ് കൊട്’ എന്ന സിനിമയിലെ മന്ത്രി പ്രേമന്റെ വേഷം ശ്രദ്ധേയമായിരുന്നു. നാടക വേദിയില് നിന്നാണ് ഇദ്ദേഹം സിനിമയിലെത്തിയത്. നാടകം സംവിധാനം ചെയ്തിട്ടുമുണ്ട്.
