കാസര്കോട്: ജില്ലയില് റെഡ് അലേര്ട്ട് തുടരുന്നതിനാല് നാളെ (ജൂലൈ 07, 2023 വെള്ളിയാഴ്ച) പ്രൊഫഷണല് കോളേജുകള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാ കലക്ടര് ഇമ്പശേഖര് കെ. അവധി പ്രഖ്യാപിച്ചു. മുന്കൂട്ടി നിശ്ചയിച്ച പരീക്ഷകള്ക്കും അഭിമുഖങ്ങള്ക്കും മാറ്റമുണ്ടാകില്ല. മേല് അവധി മൂലം നഷ്ടപ്പെടുന്ന പഠന സമയം ക്രമീകരിക്കുന്നതിന് വിദ്യാഭ്യാസ സ്ഥാപന മേധാവികള് നടപടി സ്വീകരിക്കേണ്ടതാണ്.
സ്കൂളുകളില് അപകടഭീഷണി ഉയര്ത്തുന്ന മരങ്ങള്, ചുറ്റുമതില്, പഴയ ക്ലാസ്റൂമുകള് തുടങ്ങിയവ പിടിഎ, അധ്യാപകര് എന്നിവരുടെ നേതൃത്വത്തില് നാളെ തന്നെ വീണ്ടും പരിശോധിക്കുകയും അടുത്ത പ്രവൃത്തിദിനം സ്കൂളില് എത്തുന്ന കുട്ടികള്ക്ക് എല്ലാ സുരക്ഷയും ഉറപ്പാക്കി എന്ന് ഉറപ്പുവരുത്തേണ്ടതുമാണ്. ഇത് കൂടി കണക്കിലെടുത്താണ് നാളെ അവധി നല്കുന്നത്.