നീലേശ്വരം: സംസ്ഥാന ബധിര കായിക മേളയില്‍ എറണാകുളം ജില്ല 244 പോയിന്റുമായി ഓവറോള്‍ ചാമ്പ്യന്‍മാരായി.
മലപ്പുറം ജില്ല 151 പോയന്റുമായി റണ്ണര്‍ അപ്പായി. പത്തനംതിട്ട മൂന്നും (116) തിരുവനന്തപുരം നാലും (110) കണ്ണൂര്‍ അഞ്ചാം സ്ഥാനവും (89) നേടി. 28 പോയന്റുമായി കാസര്‍കോട് ജില്ല എട്ടാംസ്ഥാനം നേടി. സമാപന സമ്മേളനം നീലേശ്വരം നഗരസഭ അധ്യക്ഷ ടി.വി.ശാന്ത ഉദ്ഘാടനം ചെയ്തു. ജില്ല ബധിര സ്‌പോര്‍ട്ട്‌സ് കൗണ്‍സില്‍ ഓര്‍ഗനൈസിംഗ് സെക്രട്ടറി പി.രാജീവ് കുമാര്‍ അധ്യക്ഷത വഹിച്ചു.
സെക്രട്ടറി എം.എസ്. സുധീപ് ബോസ്, വി.എസ്. ഉണ്ണികൃഷ്ണന്‍, ജോവന്‍ ഇ.ജോയ്, നീലേശ്വരം സി.ഐ കെ.പി. ശ്രീഹരി, എസ്‌ഐ. കെ.ശ്രീജേഷ്, നീലേശ്വരം പ്രസ് ഫോറം പ്രസിഡണ്ട് സര്‍ഗം വിജയന്‍, ജില്ല ബധിര സ്‌പോര്‍ട്ട്‌സ് കൗണ്‍സില്‍ ജോയിന്റ് സെക്രട്ടറി എം.മുഹമ്മദ് അമീര്‍, ജനറല്‍ കണ്‍വീനര്‍ കെ.ടി.ജോഷിമോന്‍ എന്നിവര്‍ സംസാരിച്ചു.
