ന്യൂനപക്ഷങ്ങള്‍ ഇന്ത്യയുടെ അഖണ്ഡതക്ക് ഭീഷണിയോ? വിവാദ ചോദ്യവുമായി കേരളത്തില്‍ ഹയര്‍ സെക്കന്‍ഡറി ചോദ്യപേപ്പര്‍; കുട്ടികളുടെ മനസില്‍ വര്‍ഗീയ വിത്തിടുകയാണെന്ന് ആക്ഷേപം
തിരുവനന്തപുരം: വിവാദമായി ഹയര്‍ സെക്കന്‍ഡറി ചോദ്യപ്പേപ്പര്‍. വര്‍ഗീയതയുളവാക്കുന്ന ചോദ്യം പേപ്പറില്‍ ഉള്‍പ്പെടുത്തിയെന്നാണ് ആക്ഷേപം ഉയര്‍ന്നിരിക്കുന്നത്. രണ്ടാം വര്‍ഷ ഹയര്‍ സെക്കന്‍ഡറി സോഷ്യോളജി പേപ്പറിലെ 'ന്യൂനപക്ഷങ്ങള്‍ ഇന്ത്യയുടെ അഖണ്ഡതക്ക് ഭീഷണിയാണോ? വിവരിക്കുക' എന്ന ചോദ്യമാണ് വിവാദമായിരിക്കുന്നത്. എട്ട് മാര്‍ക്കിനുള്ള ഉപന്യാസ മാതൃകയിലുള്ള ചോദ്യമാണിത്. അതേസമയം ഉത്തരവാദിത്വം സാക്ഷരത മിഷന്റെ ചുമലില്‍ വെച്ച് വിദ്യാഭ്യാസ വകുപ്പ് കൈകഴുകുകയാണ്. ചോദ്യങ്ങള്‍ നല്‍കുന്നത് സാക്ഷരതാ മിഷന്‍ ആണെന്നും പരീക്ഷാ നടത്തിപ്പ് മാത്രമാണ് തങ്ങളുടെ ചുമതലയെന്നുമാണ് ഹയര്‍ സെക്കണ്ടറി വകുപ്പിന്റെ പ്രതികരണം. സാക്ഷരത മിഷനുവേണ്ടി […]
തിരുവനന്തപുരം: വിവാദമായി ഹയര്‍ സെക്കന്‍ഡറി ചോദ്യപ്പേപ്പര്‍. വര്‍ഗീയതയുളവാക്കുന്ന ചോദ്യം പേപ്പറില്‍ ഉള്‍പ്പെടുത്തിയെന്നാണ് ആക്ഷേപം ഉയര്‍ന്നിരിക്കുന്നത്. രണ്ടാം വര്‍ഷ ഹയര്‍ സെക്കന്‍ഡറി സോഷ്യോളജി പേപ്പറിലെ 'ന്യൂനപക്ഷങ്ങള്‍ ഇന്ത്യയുടെ അഖണ്ഡതക്ക് ഭീഷണിയാണോ? വിവരിക്കുക' എന്ന ചോദ്യമാണ് വിവാദമായിരിക്കുന്നത്. എട്ട് മാര്‍ക്കിനുള്ള ഉപന്യാസ മാതൃകയിലുള്ള ചോദ്യമാണിത്. അതേസമയം ഉത്തരവാദിത്വം സാക്ഷരത മിഷന്റെ ചുമലില്‍ വെച്ച് വിദ്യാഭ്യാസ വകുപ്പ് കൈകഴുകുകയാണ്. ചോദ്യങ്ങള്‍ നല്‍കുന്നത് സാക്ഷരതാ മിഷന്‍ ആണെന്നും പരീക്ഷാ നടത്തിപ്പ് മാത്രമാണ് തങ്ങളുടെ ചുമതലയെന്നുമാണ് ഹയര്‍ സെക്കണ്ടറി വകുപ്പിന്റെ പ്രതികരണം. സാക്ഷരത മിഷനുവേണ്ടി […]
തിരുവനന്തപുരം: വിവാദമായി ഹയര്‍ സെക്കന്‍ഡറി ചോദ്യപ്പേപ്പര്‍. വര്‍ഗീയതയുളവാക്കുന്ന ചോദ്യം പേപ്പറില്‍ ഉള്‍പ്പെടുത്തിയെന്നാണ് ആക്ഷേപം ഉയര്‍ന്നിരിക്കുന്നത്. രണ്ടാം വര്‍ഷ ഹയര്‍ സെക്കന്‍ഡറി സോഷ്യോളജി പേപ്പറിലെ 'ന്യൂനപക്ഷങ്ങള്‍ ഇന്ത്യയുടെ അഖണ്ഡതക്ക് ഭീഷണിയാണോ? വിവരിക്കുക' എന്ന ചോദ്യമാണ് വിവാദമായിരിക്കുന്നത്. എട്ട് മാര്‍ക്കിനുള്ള ഉപന്യാസ മാതൃകയിലുള്ള ചോദ്യമാണിത്.
അതേസമയം ഉത്തരവാദിത്വം സാക്ഷരത മിഷന്റെ ചുമലില്‍ വെച്ച് വിദ്യാഭ്യാസ വകുപ്പ് കൈകഴുകുകയാണ്. ചോദ്യങ്ങള്‍ നല്‍കുന്നത് സാക്ഷരതാ മിഷന്‍ ആണെന്നും പരീക്ഷാ നടത്തിപ്പ് മാത്രമാണ് തങ്ങളുടെ ചുമതലയെന്നുമാണ് ഹയര്‍ സെക്കണ്ടറി വകുപ്പിന്റെ പ്രതികരണം. സാക്ഷരത മിഷനുവേണ്ടി വിദ്യാഭ്യാസ വകുപ്പാണ് പരീക്ഷ നടത്തുന്നത്.
മെയ് മാസത്തില്‍ നടക്കേണ്ട പരീക്ഷയാണ് കഴിഞ്ഞ ദിവസം നടന്നത്. സോഷ്യോളജി സിലബസില്‍ ഇങ്ങനെയൊരു ഭാഗമില്ലെന്നും ഈ ചോദ്യം സിലബസിന് പുറത്തുനിന്ന് മനപ്പൂര്‍വ്വം ഉള്‍പ്പെടുത്തിയതാണെന്നും ആരോപണമുണ്ട്. വിദ്യാര്‍ത്ഥികള്‍ക്കിടയില്‍ വര്‍ഗീയ ചിന്താഗതി ഉയര്‍ത്തുന്നതാണ് ഈ ചോദ്യമെന്ന് കെ.പി.സി.സി ജനറല്‍ സെക്രട്ടറി ഹരിഗോവിന്ദന്‍ പറഞ്ഞു. കുട്ടികളുടെ മനസില്‍ വര്‍ഗീയ വിത്തിടുന്ന ഇത്തരം ചോദ്യങ്ങളുണ്ടാക്കിയ അധ്യാപകര്‍ക്കെതിരെ നടപടി സ്വീകരിക്കണമെന്നും അദ്ദേഹം ആവശ്യപ്പെട്ടു.
