മുഖ്യമന്ത്രിയുടെ സാന്ത്വന സ്പര്ശം അദാലത്തിന് ജില്ലയില് തുടക്കം
കാഞ്ഞങ്ങാട്: ജനങ്ങളുടെ കാലങ്ങളായുള്ള പരാതികള്ക്ക് പരിഹാരം കാണുകയെന്ന ലക്ഷ്യത്തോടെ സംസ്ഥാന സര്ക്കാര് ആവിഷ്കരിച്ച മുഖ്യമന്ത്രിയുടെ സാന്ത്വന സ്പര്ശം പരാതി പരിഹാര അദാലത്തിന് ജില്ലയില് തുടക്കമായി. ജില്ലയിലെ ആദ്യ അദാലത്ത് കാഞ്ഞങ്ങാട് മിനി സിവില് സ്റ്റേഷനില് മന്ത്രിമാരായ ഇ.ചന്ദ്രശേഖരന്, കെ കെ ശൈലജ ടീച്ചര്, രാമചന്ദ്രന് കടന്നപ്പള്ളി എന്നിവര് ചേര്ന്ന് ഉദ്ഘാടനം ചെയ്തു. കോവിഡ് മാനദണ്ഡങ്ങള് പാലിച്ച് നടത്തിയ അദാലത്തില് എം.എല്.എമാരായ കെ. കുഞ്ഞിരാമന്, എം. രാജഗോപാലന്, ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന്, കാഞ്ഞങ്ങാട് നഗരസഭാ ചെയര്പേഴ്സന് […]
കാഞ്ഞങ്ങാട്: ജനങ്ങളുടെ കാലങ്ങളായുള്ള പരാതികള്ക്ക് പരിഹാരം കാണുകയെന്ന ലക്ഷ്യത്തോടെ സംസ്ഥാന സര്ക്കാര് ആവിഷ്കരിച്ച മുഖ്യമന്ത്രിയുടെ സാന്ത്വന സ്പര്ശം പരാതി പരിഹാര അദാലത്തിന് ജില്ലയില് തുടക്കമായി. ജില്ലയിലെ ആദ്യ അദാലത്ത് കാഞ്ഞങ്ങാട് മിനി സിവില് സ്റ്റേഷനില് മന്ത്രിമാരായ ഇ.ചന്ദ്രശേഖരന്, കെ കെ ശൈലജ ടീച്ചര്, രാമചന്ദ്രന് കടന്നപ്പള്ളി എന്നിവര് ചേര്ന്ന് ഉദ്ഘാടനം ചെയ്തു. കോവിഡ് മാനദണ്ഡങ്ങള് പാലിച്ച് നടത്തിയ അദാലത്തില് എം.എല്.എമാരായ കെ. കുഞ്ഞിരാമന്, എം. രാജഗോപാലന്, ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന്, കാഞ്ഞങ്ങാട് നഗരസഭാ ചെയര്പേഴ്സന് […]

കാഞ്ഞങ്ങാട്: ജനങ്ങളുടെ കാലങ്ങളായുള്ള പരാതികള്ക്ക് പരിഹാരം കാണുകയെന്ന ലക്ഷ്യത്തോടെ സംസ്ഥാന സര്ക്കാര് ആവിഷ്കരിച്ച മുഖ്യമന്ത്രിയുടെ സാന്ത്വന സ്പര്ശം പരാതി പരിഹാര അദാലത്തിന് ജില്ലയില് തുടക്കമായി. ജില്ലയിലെ ആദ്യ അദാലത്ത് കാഞ്ഞങ്ങാട് മിനി സിവില് സ്റ്റേഷനില് മന്ത്രിമാരായ ഇ.ചന്ദ്രശേഖരന്, കെ കെ ശൈലജ ടീച്ചര്, രാമചന്ദ്രന് കടന്നപ്പള്ളി എന്നിവര് ചേര്ന്ന് ഉദ്ഘാടനം ചെയ്തു.
കോവിഡ് മാനദണ്ഡങ്ങള് പാലിച്ച് നടത്തിയ അദാലത്തില് എം.എല്.എമാരായ കെ. കുഞ്ഞിരാമന്, എം. രാജഗോപാലന്, ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണന്, കാഞ്ഞങ്ങാട് നഗരസഭാ ചെയര്പേഴ്സന് കെ.വി. സുജാത, കാഞ്ഞങ്ങാട് ബ്ലോക്ക് പഞ്ചായത്ത് പ്രസിഡണ്ട് കെ. മണികണ്ഠന്, കാഞ്ഞങ്ങാട് നഗരസഭാ വൈസ് ചെയര്മാന് ബില്ടെക് അബ്ദുല്ല, പൊതുമരാമത്ത് സെക്രട്ടറി ആനന്ദ് സിംഗ്, ജില്ലാ കലക്ടര് ഡോ. ഡി. സജിത് ബാബു, സബ് കലക്ടര് ഡി.ആര് മേഘശ്രീ, മറ്റ് ഉദ്യോഗസ്ഥര് എന്നിവര് പങ്കെടുത്തു.
ഹോസ്ദുര്ഗ്, വെള്ളരിക്കുണ്ട് താലൂക്കുകള്ക്കായാണ് കാഞ്ഞങ്ങാട് അദാലത്ത്. കാസര്കോട്, മഞ്ചേശ്വരം താലൂക്കുകള്ക്കായി ചൊവ്വാഴ്ച രാവിലെ 10 മുതല് കാസര്കോട് ടൗണ്ഹാളിലാണ് അദാലത്ത്.
മുഖ്യമന്ത്രിയുടെ സാന്ത്വന സ്പര്ശം പൊതുജന പരാതി പരിഹാര അദാലത്തിലേക്ക് ഓണ്ലൈനായും വാട്സ്അപ്പിലൂടെയും അപേക്ഷിച്ചത് ജില്ലയില്നിന്ന് 4651 പേര്. ജനുവരി 27 മുതല് ഫെബ്രുവരി രണ്ട് വരെ അദാലത്തിലേക്ക് അപേക്ഷിക്കാന് അവസരം നല്കിയിരുന്നു. ഇതില് നിര്ദേശിക്കപ്പെട്ടവര് മാത്രമാണ് അദാലത്തുകളില് നേരിട്ട് ഹാജരാകേണ്ടത്. ജില്ലയില് കോവിഡ് രോഗവ്യാപനം രൂക്ഷമാകുന്ന സാഹചര്യത്തില് കുട്ടികളെയോ തീവ്ര രോഗമുള്ളവരെയോ കിടപ്പു രോഗികളെയോ നേരിട്ടോ ആംബുലന്സുകളിലോ അദാലത്തിലേക്ക് കൊണ്ടുവരാന് അനുവാദമില്ല. രോഗികള്ക്ക് അവരുടെ പ്രതിനിധികള് വഴിയോ ബന്ധുക്കള് വഴിയോ അദാലത്തിലേക്ക് അപേക്ഷിക്കാം.