ബദിയടുക്ക പ്രീമിയര്‍ ലീഗ് സ്‌നേഹസംഗമം മെയ് 7ന് ഷാര്‍ജയില്‍

ദുബായ്: ദുബായ് കെ.എം.സി.സി ബദിയടുക്ക പഞ്ചായത്ത് കമ്മിറ്റി സംഘടിപ്പിക്കുന്ന ബദിയടുക്ക ക്രിക്കറ്റ് പ്രിമിയര്‍ ലീഗിന്റെ ലോഗോ പ്രകാശനം മുസ്ലിം ലീഗ് ജില്ല ജനറല്‍ സെക്രട്ടറി എ. അബ്ദുല്‍ റഹിമാന്‍ യൂത്ത് ലീഗ് സംസ്ഥാന വൈസ് പ്രസിഡണ്ട് അഷ്‌റഫ് എടനീറിന് നല്‍കി നിര്‍വഹിച്ചു.
ഷാര്‍ജ മുവൈല ഇംഗ്ലീഷ് സ്‌കൂളിലെ ഡിസേര്‍ട്ട് ക്യൂബ്‌സ് ക്രിക്കറ്റ് സ്റ്റേഡിയത്തില്‍ മെയ് 7ന് ഉച്ചയ്ക്ക് ഒരു മണി മുതല്‍ മത്സരം ആരംഭിക്കും. ഫാസ് ദുബായ്, സ്മാര്‍ട്ട് ഹിറ്റേര്‍സ് ഗോളിയടുക്ക, സൗത്ത് ബദിയടുക്ക, പാസ്‌ക് ദുബായ്, വൈ.ബി.സി ചെടേക്കാല്‍, സീ ബേര്‍ഡ് ബീജന്തടുക്ക, പിലാങ്കട്ട ദുബായ്, ഐ.സി.സി നീര്‍ച്ചാല്‍, എച്ച്.എം.സി മാഡത്തടുക്ക, മാര്‍ക്കറ്റ് ബോയ്‌സ് എന്നീ ടീമുകള്‍ മാറ്റുരക്കും. വൈകിട്ട് നടക്കുന്ന സ്‌നേഹസംഗമം യു.എ.ഇ കെ.എം.സി.സി ഉപദേശക സമിതി വൈസ് ചെയര്‍മാന്‍ യഹ്‌യ തളങ്കര ഉദ്ഘാടനം ചെയ്യും.
മുസ്ലിം ലീഗ് കാസര്‍കോട് മണ്ഡലം പ്രസിഡണ്ടും സി.എച്ച് സെന്റര്‍ ജനറല്‍ കണ്‍വീനറുമായ മാഹിന്‍ കേളോട്ടിന് സ്വീകരണം നല്‍കും. ഇ.ബി അഹമ്മദ് ചെടേക്കാല്‍, ഡോ. അസ്മത്ത് റഹീമ മുബ്ഷി എന്നിവരെ ആദരിക്കും. ലോഗോ പ്രകാശന ചടങ്ങില്‍ പ്രസിഡണ്ട് മുഹമ്മദ് പിലാങ്കട്ട അധ്യക്ഷത വഹിച്ചു. കെ.എം.സി.സി നേതാക്കളായ അബ്ദുല്ല ആറങ്ങാടി, സലാം കന്യപ്പാടി, ടി.ആര്‍ ഹനീഫ് മേല്‍പറമ്പ്, ഫൈസല്‍ പട്ടേല്‍, ഇസ്മായില്‍ നാലാംവാതുക്കല്‍, സിദ്ദീക്ക് ചൗക്കി, മുനീഫ് ബദിയടുക്ക, എം.എസ് ഹമീദ്, ഹനീഫ്, ഹൈദര്‍ കുതുപ്പംകുഴി, ആരിഫ് ചേരുമ്പ, ഹസ്‌കര്‍ ചൂരി, മുനീര്‍ പള്ളിപ്പുറം, റസാക്ക് ബദിയടുക്ക, സിദ്ദീക്ക് പള്ളത്തടുക്ക തുടങ്ങിയവര്‍ സംബന്ധിച്ചു. ജനറല്‍ സെക്രട്ടറി എം.എസ് ഹമീദ് സ്വാഗതവും ട്രഷറര്‍ അഷ്റഫ് കുക്കംകൂടല്‍ നന്ദിയും പറഞ്ഞു.