നിയമസഭാ തിരഞ്ഞെടുപ്പ്: മഞ്ചേശ്വരവും ദേവികുളവും ഒഴികെയുള്ള 83 മണ്ഡലങ്ങളിലെ സ്ഥാനാര്‍ത്ഥികളെ സി.പി.എം പ്രഖ്യാപിച്ചു

തിരുവനന്തപുരം: നിയമസഭാ തിരഞ്ഞെടുപ്പില്‍ സി.പി.എം. മത്സരിക്കുന്ന 85 മണ്ഡലങ്ങളില്‍ മഞ്ചേശ്വരവും ദേവികുളവും ഒഴിച്ച് ബാക്കി 83 മണ്ഡലങ്ങളിലും സ്ഥാനാര്‍ത്ഥികളെ പ്രഖ്യാപിച്ചു. 74 പേര്‍ പാര്‍ട്ടി സ്ഥാനാര്‍ത്ഥികളും 9 പേര്‍ പാര്‍ട്ടി സ്വതന്ത്രരുമാണ്. തര്‍ക്കം നിലനില്‍ക്കുന്നതിനാല്‍ മഞ്ചേശ്വരത്തും ദേവികുളത്തും ആരെന്ന് പിന്നീട് പ്രഖ്യാപിക്കുമെന്ന് ഇന്ന് രാവിലെ എ.കെ.ജി. സെന്ററില്‍ സ്ഥാനാര്‍ത്ഥി പ്രഖ്യാപനം നടത്തിയ പാര്‍ട്ടി സെക്രട്ടറിയുടെ ചുമതലയുള്ള എ. എ.വിജയരാഘവന്‍ മാധ്യമങ്ങളോട് പറഞ്ഞു. കാസര്‍കോട് ജില്ലയിലെ ഉദുമയില്‍ സി.എച്ച്. കുഞ്ഞമ്പുവും തൃക്കരിപ്പൂരില്‍ നിലവിലെ എം.എല്‍.എ. എം. രാജഗോപാലും മത്സരിക്കും. മുഖ്യമന്ത്രി പിണറായി വിജയന്‍, മന്ത്രിമാരായ കെ.കെ.ശൈലജ, ടി.പി.രാമകൃഷ്ണന്‍, എം.എം.മണി തുടങ്ങിയവര്‍ സ്ഥാനാര്‍ത്ഥി പട്ടികയില്‍ ഇടം പിടിച്ചപ്പോള്‍ മാനദണ്ഡങ്ങള്‍ പാലിച്ച് തോമസ് ഐസക്കും ജി. സുധാകരനും അടക്കം 5 മന്ത്രിമാരെ മാറ്റി നിര്‍ത്തി. 12 വനിതകക്ക് ഇത്തവണ സീറ്റ് ലഭിച്ചു. അതേ സമയം സിറ്റിങ് എം.എല്‍.എമാരായ 33 പേര്‍ മത്സരരംഗത്തില്ല. 30 വയസില്‍ താഴെയുള്ള 4 പേര്‍ ഇത്തവണ മത്സര രംഗത്തുണ്ട്. ജെയ്ക് സി.ജോമസ്, സച്ചിന്‍ദേവ്, സിന്റ ജോസഫ്, പി.മിഥുന എന്നിവരാണവര്‍. ബിരുദധാരികളായ 42 പേരും അഭിഭാഷകരായ 28 പേരും 30 വയസ്സിനും 40 വയസ്സിനും ഇടയിലുള്ള 8 പേരും ബിരുദാനന്തര ബിരുദമുള്ള 14 പേരും പി.എച്ച്.ഡി ഉള്ള 2 പേരും ആര്‍ക്കിടെക്റ്റായ ഒരാളും എം.ബി.ബി.എസ്.പരീക്ഷ പാസായ 2 പേരും പട്ടികയിലുണ്ട്. 5 സിറ്റിങ് സീറ്റ് ഉള്‍പ്പെടെ 7 സീറ്റ് സി.പി.എം. വിട്ടുകൊടുത്തു.

സി.പി.എം സ്ഥാനാര്‍ഥി പട്ടിക

തിരുവനന്തപുരം
പാറശാല-സി.കെ. ഹരീന്ദ്രന്‍
നെയ്യാറ്റിന്‍കര-കെ ആന്‍സലന്‍
വട്ടിയൂര്‍ക്കാവ്-വി.കെ. പ്രശാന്ത്
കാട്ടാക്കട-ഐ.ബി. സതീഷ്
നേമം-വി. ശിവന്‍കുട്ടി
കഴക്കൂട്ടം-കടകംപള്ളി സുരേന്ദ്രന്‍
വര്‍ക്കല-വി. ജോയ്
വാമനപുരം-ഡി.കെ. മുരളി
ആറ്റിങ്ങല്‍-ഒ.എസ്. അംബിക
അരുവിക്കര-ജി. സ്റ്റീഫന്‍

കൊല്ലം
കൊല്ലം-എം. മുകേഷ്
ഇരവിപുരം-എം. നൗഷാദ്
ചവറ-ഡോ.സുജിത്ത് വിജയന്‍
കുണ്ടറ- ജെ. മേഴ്‌സിക്കുട്ടിയമ്മ
കൊട്ടാരക്കര- കെ.എന്‍. ബാലഗോപാല്‍

പത്തനംതിട്ട
ആറന്മുള-വീണാ ജോര്‍ജ്
കോന്നി-കെ.യു. ജനീഷ് കുമാര്‍

ആലപ്പുഴ
ചെങ്ങന്നൂര്‍-സജി ചെറിയാന്‍
കായംകുളം-യു. പ്രതിഭ
അമ്പലപ്പുഴ-എച്ച്.സലാം
അരൂര്‍- ദലീമ ജോജോ
മാവേലിക്കര-എം.എസ് അരുണ്‍ കുമാര്‍
ആലപ്പുഴ-പി.പി. ചിത്തരഞ്ജന്‍

കോട്ടയം
ഏറ്റുമാനൂര്‍-വി.എന്‍ വാസവന്‍
പുതുപ്പള്ളി-ജെയ്ക്ക് സി. തോമസ്
കോട്ടയം- കെ.അനില്‍കുമാര്‍

എറണാകുളം
കൊച്ചി-കെ.ജെ. മാക്‌സി
വൈപ്പിന്‍-കെ.എന്‍ ഉണ്ണികൃഷ്ണന്‍
തൃക്കാക്കര-ഡോ. ജെ.ജേക്കബ്
തൃപ്പൂണിത്തുറ-എം.സ്വരാജ്
കളമശേരി-പി. രാജീവ്
കോതമംഗലം-ആന്റണി ജോണ്‍
കുന്നത്ത്‌നാട്-പി.വി. ശ്രീനിജന്‍
ആലുവ-ഷെല്‍ന നിഷാദ്
എറണാകുളം-ഷാജി ജോര്‍ജ്

ഇടുക്കി
ഉടുമ്പന്‍ചോല-എം.എം.മണി

തൃശൂര്‍
ഇരിങ്ങാലക്കുട-ഡോ.ആര്‍. ബിന്ദു
വടക്കാഞ്ചേരി-സേവ്യര്‍ ചിറ്റിലപ്പള്ളി
മണലൂര്‍-മുരളി പെരുനെല്ലി
ചേലക്കര-കെ.രാധാകൃഷ്ണന്‍
ഗുരുവായൂര്‍-അക്ബര്‍
പുതുക്കാട്-കെ.കെ. രാമചന്ദ്രന്‍
കുന്നംകുളം-എ.സി. മൊയ്തീന്‍

പാലക്കാട്
തൃത്താല-എം.ബി രാജേഷ്
തരൂര്‍- പി.പി. സുമോദ്
കൊങ്ങാട്- ശാന്തകുമാരി
ഷൊര്‍ണൂര്‍-പി. മമ്മിക്കുട്ടി
ഒറ്റപ്പാലം- പ്രേംകുമാര്‍
മലമ്പുഴ-എ.പഭാകരന്‍
ആലത്തൂര്‍ -കെ.ഡി. പ്രസേനന്‍
നെന്മാറ- കെ.ബാബു

വയനാട്
മാനന്തവാടി- ഒ.ആര്‍ കേളു
ബത്തേരി- എം.എസ്.വിശ്വനാഥന്‍

മലപ്പുറം
തവനൂര്‍-കെ.ടി.ജലീല്‍
പൊന്നാനി-പി.നന്ദകുമാര്‍
നിലമ്പൂര്‍-പി.വി.അന്‍വര്‍
താനൂര്‍-അബ്ദുറഹ്‌മാന്‍
പെരിന്തല്‍മണ്ണ-മുഹമ്മദ് മുസ്തഫ
കൊണ്ടോട്ടി-സുലൈമാന്‍ ഹാജി
മങ്കട-റഷീദലി
വേങ്ങര-ജിജി
വണ്ടൂര്‍-പി.മിഥുന

കോഴിക്കോട്
പേരാമ്പ്ര-ടി.പി. രാമകൃഷ്ണന്‍
ബാലുശ്ശേരി-സച്ചിന്‍ ദേവ്
കോഴിക്കോട് നോര്‍ത്ത്-തോട്ടത്തില്‍ രവീന്ദ്രന്‍
ബേപ്പൂര്‍-പി.എ. മുഹമ്മദ് റിയാസ്
തിരുവമ്പാടി-ലിന്റോ ജോസഫ്
കൊടുവള്ളി-കാരാട്ട് റസാഖ്
കുന്ദമംഗലം-പിടിഎ റഹീം
കൊയിലാണ്ടി-കാനത്തില്‍ ജമീല

കണ്ണൂര്‍
ധര്‍മ്മടം-പിണറായി വിജയന്‍
തലശേരി-എ.എന്‍ ഷംസീര്‍
പയ്യന്നൂര്‍-ടി.ഐ മധുസൂധനന്‍
കല്യാശേരി-എം. വിജിന്‍
അഴിക്കോട്-കെ.വി സുമേഷ്
പേരാവൂര്‍-സക്കീര്‍ ഹുസൈന്‍
മട്ടന്നൂര്‍-കെ.കെ. ഷൈലജ
തളിപറമ്പ് -എം.വി ഗോവിന്ദന്‍

കാസര്‍കോട്
ഉദുമ-സി.എച്ച്. കുഞ്ഞമ്പു
തൃക്കരിപ്പൂര്‍ -എം. രാജഗോപാല്‍