ജോലിയില്‍ നിന്ന് പിരിച്ചുവിട്ടു; കമ്പനിക്ക് തീയിട്ട് ജീവനക്കാരന്‍: കോടികളുടെ നഷ്ടം
By : Online Desk
Update: 2025-03-03 08:15 GMT
തൃശൂര്‍: മുണ്ടൂരില്‍ ജോലിയില്‍ നിന്ന് പിരിച്ചുവിട്ടതിന്റെ വൈരാഗ്യത്തെ തുടര്‍ന്ന് ജീവനക്കാരന്‍ ഓയില്‍ കമ്പനിക്ക് തീയിട്ടു. ഗള്‍ഫ് പെട്രോ കെമിക്കല്‍സ് എന്ന ഓയില്‍ കമ്പനിക്കാണ് തീയിട്ടത്. കോടികളുടെ നഷ്ടം കണക്കാക്കുന്നു. ഇന്ന് പുലര്‍ച്ചെയാണ് സംഭവം. തീ പടര്‍ന്നതിനെ തുടര്‍ന്ന് അഗ്നിശമന സേന എത്തി ഏറെ നേരത്തിന് ശേഷം തീ അണക്കുകയായിരുന്നു. സംഭവത്തില്‍ പെരിങ്ങോട്ടുകര സ്വദേശി ടിറ്റോ തോമസ് പേരാമംഗലം മെഡിക്കല്‍ കോളേജ് പോലീസില്‍ കീഴടങ്ങി. ഗള്‍ഫ് പെട്രോള്‍ കെമിക്കല്‍സിലെ ഡ്രൈവറായിരുന്നു ടിറ്റോ. പിരിച്ചുവിട്ടതിന് വൈരാഗ്യത്തിലാണ് കമ്പനിക്ക് തീയിട്ടതെന്ന് പ്രതി പോലീസിന് മൊഴി നല്‍കി.