തുമ്മല്‍ നിര്‍ത്താന്‍ ഇതാ 6 വീട്ടുവൈദ്യങ്ങള്‍
പൊടിയോ അലര്‍ജിയോ കാരണമാകും പലപ്പോഴും തുമ്മല്‍ ഉണ്ടാകുന്നത്;
ശരീരത്തിന്റെ പ്രതിരോധ സംവിധാനമാണ് തുമ്മല്‍. കൊച്ചുകുട്ടിയെന്നോ മുതിര്‍ന്നവരെന്നോ വ്യത്യാസമില്ലാതെ എല്ലാവര്‍ക്കും തുമ്മല്‍ ഉണ്ടാകും. പൊടിയോ അലര്‍ജിയോ കാരണമാകും പലപ്പോഴും തുമ്മല്‍ ഉണ്ടാകുന്നത്. ഇഷ്ടമില്ലാത്ത ഗന്ധം ശ്വസിച്ചാലും ചിലര്‍ക്ക് തുമ്മല്‍ ഉണ്ടാകാറുണ്ട്. രോഗപ്രതിരോധ സംവിധാനത്തിന്റെ ഭാഗമാണ് ഇത്.
രോഗത്തിന്റെ ഭാഗമായും രോഗമായുമെല്ലാം തുമ്മല്‍ ഉണ്ടാകുന്നു. നമ്മുടെ ശരീരത്തിനകത്ത്, ഉദാഹരണത്തിന് മൂക്കിനകത്ത് പൊടിയോ മറ്റോ കയറിയാല്‍ തലച്ചോറിന് ഇത് പുറന്തള്ളാന്‍ സന്ദേശം ലഭിയ്ക്കുന്നു. തലച്ചോറിന് പുറകിലായുള്ള ഭാഗത്തു നിന്നാണ് ഈ സന്ദേശം ലഭിക്കുന്നത്. ഇതേത്തുടര്‍ന്ന് ശ്വാസകോശത്തില്‍ നിന്നും അതിവേഗത്തില്‍ വായു പുറത്തേയ്ക്കു വരുന്നു, ഇതാണ് തുമ്മല്‍. പുറത്തേയ്ക്കു വരുന്ന വായുവിന്റെ ശക്തി കൊണ്ടാണ് നാം കണ്ണടച്ചു പോകുന്നതും എല്ലാം മറന്ന് തുമ്മലില്‍ മാത്രം ശ്രദ്ധ കേന്ദ്രീകരിക്കുന്നതും.
തുമ്മല്‍ നമ്മുടെ ശരീരത്തിന് അത്യാവശ്യമാണ്, കാരണം അത് നമ്മെ ആരോഗ്യത്തോടെയിരിക്കാന്‍ സഹായിക്കുന്നു. ഇത് ശരീരത്തിന്റെ ഒരു പ്രതിരോധ സംവിധാനമായി പ്രവര്‍ത്തിക്കുന്ന ഒരു അനിയന്ത്രിതമായ പ്രവര്‍ത്തനമാണ്. ഏതെങ്കിലും തരത്തിലുള്ള ബാക്ടീരിയകളോ വൈറസുകളോ നമ്മുടെ മൂക്കിലെ പാളിയില്‍ പ്രവേശിക്കുമ്പോള്‍, തലച്ചോറ് അതിനോട് പ്രതികരിക്കുന്നു. ചിലര്‍ മിനിറ്റുകളോളം തുടര്‍ച്ചയായി തുമ്മാറുണ്ട് ഇത് അരോചകമാകാറുമുണ്ട്.
തുമ്മല്‍ എന്ന പ്രവൃത്തി ബാഹ്യ അണുക്കളില്‍ നിന്നും നമ്മെ സംരക്ഷിക്കുന്നു. തുമ്മല്‍ എന്ന പ്രവൃത്തി വോക്കല്‍ കോഡിന്റെ പേശികള്‍, വയറിലെ പേശികള്‍ തുടങ്ങിയ മനുഷ്യ ശരീരത്തിലെ വിവിധ പേശികളുടെ ചലനം ഉള്‍പ്പെടുന്ന ഒരു ശാരീരിക പ്രക്രിയയാണ്. ജലദോഷം ബാധിക്കുമ്പോള്‍ മാത്രമല്ല ഒരാള്‍ തുമ്മുന്നത് എന്നത് ശ്രദ്ധിക്കേണ്ടതാണ്. തുമ്മലിന് കാരണമാകുന്ന മറ്റ് നിരവധി ഘടകങ്ങളുണ്ട്.
അലര്‍ജി മുതല്‍ സൂര്യപ്രകാശവുമായി സമ്പര്‍ക്കം വരുമ്പോള്‍ തുമ്മുന്ന 'ഫോട്ടോ തുമ്മലുകള്‍' വരെ ഇതില്‍പെടുന്നു. ചില ഗവേഷണ പഠനങ്ങള്‍ അനുസരിച്ച്, ചിലപ്പോള്‍ ഒരാളുടെ പുരികം പറിച്ചെടുക്കുന്നത് അയാളെ തുമ്മാന്‍ പ്രേരിപ്പിക്കുന്നു. ഒരുപാട് പേരില്‍ ഇത്തരത്തില്‍ സംഭവിക്കാറുണ്ട്.
ചില ആളുകള്‍ക്ക് ചോക്ലേറ്റിനോട് അലര്‍ജിയുണ്ട്. അത് അവരെ തുമ്മാന്‍ പ്രേരിപ്പിക്കുന്നു. സീസണല്‍ അലര്‍ജികളും ഉണ്ട്. ശരത് കാലം ചിലരെ തുമ്മാന്‍ പ്രേരിപ്പിക്കുന്നു. ഹേ ഫീവര്‍ വളരെ സാധാരണമാണ്. അതിനാല്‍ നിങ്ങളുടെ അലര്‍ജിയെക്കുറിച്ച് ബോധവാന്മാരായിരിക്കുകയും ആവശ്യമായ മുന്‍കരുതലുകള്‍ എടുക്കുകയും ചെയ്യേണ്ടത് അത്യാവശ്യമാണ്.
തുമ്മല്‍ നിര്‍ത്താന്‍ ചില വീട്ടുവൈദ്യങ്ങളുണ്ട്. അവയെ കുറിച്ച് അറിയാം
1. ഓറഞ്ച്, നാരങ്ങ, മുന്തിരിപ്പഴം
ഈ സിട്രസ് പഴങ്ങളില്‍ ഫ് ളേവനോയ്ഡുകള്‍ എന്നറിയപ്പെടുന്ന ചില സസ്യ രാസവസ്തുക്കള്‍ അടങ്ങിയിട്ടുണ്ട്. ഇവ ശരീരത്തിന്റെ രോഗപ്രതിരോധ ശേഷി വര്‍ദ്ധിപ്പിക്കാന്‍ സഹായിക്കുന്ന ശക്തമായ ആന്റിഓക്സിഡന്റുകളാണ്. ജലദോഷത്തിനും മറ്റ് അലര്‍ജികള്‍ക്കും കാരണമാകുന്ന അനാവശ്യ ബാക്ടീരിയകള്‍ക്കെതിരെ പോരാടാന്‍ ഇവ സഹായിക്കുന്നു. അതിനാല്‍, ആരോഗ്യത്തോടെയിരിക്കാന്‍ ഈ പഴങ്ങള്‍ ദിവസവും കഴിക്കണം.
2. നെല്ലിക്ക
ആന്റിഓക്സിഡന്റുകളുടെ മികച്ച ഉറവിടമാണ് നെല്ലിക്ക, കൂടാതെ ആന്റി ബാക്ടീരിയല്‍ ഗുണങ്ങളുമുണ്ട്. ഇത് നമ്മുടെ പ്രതിരോധശേഷി വര്‍ദ്ധിപ്പിക്കാന്‍ സഹായിക്കുന്നു. ഇത് ജ്യൂസായോ വെറുതെയോ കഴിക്കാം. ഒരു ദിവസം രണ്ടോ മൂന്നോ തവണ നെല്ലിക്ക കഴിക്കുന്നത് ഒരാളുടെ തുമ്മല്‍ അവസ്ഥ മച്ചപ്പെടുത്തുന്നു.
3. കറുത്ത ഏലം
സുഗന്ധവ്യഞ്ജനമായ കറുത്ത ഏലത്തിന് ഒരുപാട് ആരോഗ്യ ഗുണങ്ങളുണ്ട്. തുമ്മലില്‍ നിന്ന് മുക്തി നേടാന്‍ ഇത് സഹായിക്കും. അതിനായി ഒരു ദിവസം രണ്ടോ മൂന്നോ തവണ ചവയ്ക്കണം. ശ്വാസകോശത്തിലൂടെയുള്ള കഫം ഒഴുക്ക് സാധാരണ നിലയിലാക്കാന്‍ കറുത്ത ഏലയ്ക്കയുടെ എണ്ണ വളരെ ഫലപ്രദമാണ്. ഈ എണ്ണ കൊണ്ട് മസാജ് ചെയ്യുന്നത് വഴി നല്ല ആശ്വാസം ലഭിക്കുന്നു.
4. ഇഞ്ചി
ഇഞ്ചിയില്‍ ആന്റിസെപ്റ്റിക് ഗുണങ്ങള്‍ അടങ്ങിയിട്ടുണ്ട്. ജലദോഷം ശമിപ്പിക്കാന്‍ സഹായിക്കുന്ന ഒരു ഡീകോണ്‍ജെസ്റ്റന്റായി ഇത് പ്രവര്‍ത്തിക്കുന്നു. ഇഞ്ചി മുറിച്ച് 2 ടേബിള്‍സ്പൂണ്‍ തേനില്‍ കലര്‍ത്തുക. തിളച്ച ചൂടുവെള്ളത്തില്‍ ഇട്ട് ഉറങ്ങുന്നതിന് മുമ്പ് ദിവസവും കുടിക്കുക, തല്‍ക്ഷണ ആശ്വാസം ലഭിക്കും.
5. തുളസി
ഒരു പുണ്യ സസ്യം എന്നതിലുപരി, തുളസിക്ക് ഒരുപാട് ആരോഗ്യ ഗുണങ്ങളുണ്ട്. തുളസി ഇലകള്‍ക്ക് ശക്തമായ ആന്റി ബാക്ടീരിയല്‍ ഗുണങ്ങളുണ്ട്, അവയ്ക്ക് അപകടകരമായ അണുബാധകളെ ചെറുക്കാന്‍ കഴിയും. 3-4 തുളസി ഇലകള്‍ ചേര്‍ത്ത് ഒരു കപ്പ് വെള്ളം തിളപ്പിക്കുക. 2-3 ദിവസം ഉറങ്ങുന്നതിന് മുമ്പ് ദിവസവും ഇതിന്റെ മിശ്രിതം കഴിച്ചാല്‍ നല്ല മാറ്റം ഉണ്ടാകും.
6. സിതോപാലാടി ചൂര്‍ണ്ണം
ഇത് ഒരു ആയുര്‍വേദ മരുന്നാണ്. ഇതിന് ആന്റി-ഹിസ്റ്റാമൈന്‍ ഗുണങ്ങളുണ്ട്. ഇത് മൂക്കിലെ തിരക്ക് സുഖപ്പെടുത്തുമെന്നും ശ്വസന പ്രശ്‌നങ്ങള്‍ക്ക് പരിഹാരമാകുമെന്നും വിശ്വസിക്കപ്പെടുന്നു. ഒരു ടീസ്പൂണ്‍ തേനില്‍ അര ടീസ്പൂണ്‍ സിതോപാലാടി ചൂര്‍ണ്ണ പൊടി കലര്‍ത്തി ഒരു ദിവസം 2-3 തവണ കഴിക്കുന്നത് വഴി നല്ല ആശ്വാസം ലഭിക്കും. എന്നിരുന്നാലും തുമ്മല്‍ അധികമാണെങ്കില്‍ എത്രയും പെട്ടെന്ന് തന്നെ ഒരു ഡോക്ടറെ കണ്ട് ചികിത്സ തേടേണ്ടതാണ്.