കാസര്കോട്: ഐ.എന്.എല് അഖിലേന്ത്യാ ജനറല് സെക്രട്ടറിഅഹമദ് ദേവര് കോവിലിന്റെ മന്ത്രി സ്ഥാനംആദര്ശ രാഷ്ട്രീയ നിലപാടിന്റെ വിജയമാണെന്ന് ഐ.എന്.എല്.ജില്ലാ ജനറല് സെക്രട്ടറി അസീസ് കടപ്പുറം പ്രസ്ഥാവനയില് പറഞ്ഞു. കാലിടറാത്ത ആദര്ശ രാഷ്ടീയ നിലപാടുകളില് ഉറച്ച് നിന്ന് പ്രവര്ത്തനം നടത്തിയ പാര്ട്ടിനേതാക്കളും പ്രവര്ത്തകന്മാരും ഈ നിമിഷത്തില് അഭിമാനം കൊള്ളുകയാണ്. അധികാരത്തിന് വേണ്ടി പാര്ട്ടിയെ പണയം വെക്കാന് ശ്രമിച്ചവര്ക്ക് കാലം നല്കിയ ശിക്ഷയാണ് ഇത്. ഇടതുപക്ഷത്തിന്റെ തുടര് ഭരണത്തില് അഹമദ് ദേവര് കോവിലിന്റെ മന്ത്രിസ്ഥാനം വിട്ടു വീഴ്ചയില്ലാതെ രാഷ്ട്രീയ നിലപാടിന് ജനങ്ങള് നല്കിയ അംഗീകാരമാണെന്ന് അസീസ് കടപ്പുറം പറഞ്ഞു.