കുമ്പള: കുമ്പള ബദര്‍ ജുമാമസ്ജിദിന് സമീപം ദേശിയപാത യിലുണ്ടായ കൂട്ടവാഹനാപകടത്തില്‍ നാല് പേര്‍ക്ക് പരി ക്കേറ്റു. കാര്‍ യാത്രക്കാരായ കര്‍ണാടക സുള്ള്യ അഞ്ചാറയിലെ മുന്‍ഷീര്‍ (24), മുജീബ് (20), സ്‌കൂട്ടര്‍ യാത്രക്കാരായ കുമ്പള ഗോപാലകൃഷണ ക്ഷേത്രത്തിന് സമീപത്ത് പ്രവര്‍ത്തിക്കുന്ന ക്ലിക്ക് സൗണ്ട്‌സിലുള്ള പേരാല്‍ നിരോളിയിലെ ഗണേഷന്‍(48), ബന്തിയോട് മുട്ടത്തെ ജഗ്ഗു എന്ന ജഗദീഷ്(42) എന്നിവരെ പരിക്കേറ്റ് വിവിധ ആസ്പത്രികളില്‍ പ്രവേശിപ്പിച്ചു. ഇന്നലെ രാത്രി 8 മണിയോടെയായിരുന്നു അപകടം. മംഗളൂരു ഭാഗത്ത് നിന്ന് വരികയായിരുന്ന ലോറിയില്‍ പയ്യന്നൂരില്‍ നിന്ന് സുള്ള്യ ഭാഗത്തേക്ക് പോകുകയായിരുന്ന എര്‍ട്ടിഗ കാര്‍ ഇടിക്കുക യായിരുന്നു. അതിന് പിന്നാലെ കാറിന്റെ പിറകിലേക്ക് സ്‌കൂട്ടര്‍ ഇടിച്ചാണ് രണ്ട് പേര്‍ക്ക് പരിക്കേറ്റത്. അപകടത്തെ തുടര്‍ന്ന് ദേശിയപാതയില്‍ ഒരു മണിക്കൂറോളം ഗതാഗതം സ്തംഭിച്ചു. അപകടത്തില്‍പ്പെട്ട മൂന്ന് വാഹനങ്ങളും കുമ്പള പൊലീസ് കസ്റ്റഡിയിലെടുത്തു.
