കുറ്റിക്കോല്‍: നിര്‍ത്തിയിട്ട കാറിന്റെ തുറന്നിട്ട വാതിലില്‍ മറ്റൊരു കാര്‍ വന്നിടിച്ച് ചെറുപുഴ സ്വദേശിക്ക് പരിക്ക്. കുറ്റിക്കോല്‍ ടൗണിലെ ഒരു ഹോട്ടലിന് മുന്‍വശം ഇന്നലെ വൈകിട്ടാണ് അപകടം. പ്രദീപി(45)നാണ് സാരമായി പരിക്കേറ്റത്. ഹോട്ടലിന് മുമ്പില്‍ നിര്‍ത്തിയിട്ട കാറില്‍ വാതില്‍ തുറന്ന് കാറിനകത്തേക്ക് കയറവേ മുന്നാട് ഭാഗത്ത് നിന്ന് വന്ന മാരുതി കാര്‍ പ്രദീപിന്റെ കാറിന്റെ വാതിലില്‍ വന്നിടിക്കുകയായിരുന്നു. ഇടിയുടെ ആഘാതത്തില്‍ ഇടിച്ച കാറിന്റെ ബോണറ്റിലേക്ക് തെറിച്ചുവീണ പ്രദീപിനെയും കൊണ്ട് കാറ് കുറച്ച് ദൂരം മുമ്പോട്ട് നീങ്ങി. ഇതറിഞ്ഞ് കാര്‍ സഡന്‍ ബ്രേക്കിട്ടപ്പോള്‍ റോഡിലേക്ക് തെറിച്ചു വീഴുകയായിരുന്നു. ഇയാളെ ബേഡഡുക്ക താലൂക്കാസ്ഥാന ആസ്പത്രിയിലും കാഞ്ഞങ്ങാട് ജില്ലാ ആസ്പത്രിയിലും തുടര്‍ന്ന് മംഗളൂരു ആസ്പത്രിയിലും പ്രവേശിപ്പിച്ചു. മുന്നാട് സഹകരണ പരിശീലന കേന്ദ്രത്തിലെ ട്രെയിനറാണ് പ്രദീപ്.
