കാസര്കോട്: സ്വാതന്ത്ര്യദിനത്തിന്റെ മുന്നോടിയായി സുരക്ഷ ശക്തമാക്കുന്നതിന്റെ ഭാഗമായി ജില്ലയിലെ എല്ലാ റെയില്വേ സ്റ്റേഷനുകളിലും ഇതുവഴി ഓടുന്ന ട്രെയിനുകളിലും ഡോഗ്-ബോംബ് സ്ക്വാഡ് പരിശോധ തുടങ്ങി. വെള്ളിയാഴ്ച രാവിലെ കാസര്കോട് റെയില്വെ സ്റ്റേഷനില് നടത്തിയ പരിശോധനയ്ക്ക് റെയില്വെ എസ്.ഐ. സി.എന്. മോഹനന്, ഇന്റലിജന്സ് വിഭാഗത്തിലെ ഗംഗാധരന്, ആര്.പി.എഫ് എ.എസ്.ഐ. സജ്ഞയന് നേതൃത്വം നല്കി. വരും ദിവസങ്ങളിലും പരിശോധന കര്ശനമാക്കുമെന്ന് അധികൃതര് പറഞ്ഞു.