കാസര്കോട്: കാസര്കോട് ജനറല് ആസ്പത്രിയിലെ ലിഫ്റ്റ് തകരാറിലായി നാല് ദിവസം പിന്നിട്ടു. ഇതോടെ രോഗികള് ദുരിതത്തിലായി. 5, 6 നിലകളില് പ്രവര്ത്തിക്കുന്ന ഐ.സി.യു, ഓപ്പറേഷന് തീയേറ്റര് എന്നിവിടങ്ങളിലേക്കടക്കം രോഗികള് പടവുകള് കയറിയോ അല്ലെങ്കില് രോഗികളെ ചുമന്ന് കൊണ്ടോ പോവേണ്ട സ്ഥിതിയാണ്. പുറത്ത് നിന്നുള്ള ടെക്നീഷ്യന്മാരെ എത്തിച്ചതിന് ശേഷമേ തകരാര് പരിഹരിക്കാനാവുകയുള്ളൂവെന്നാണ് ആസ്പത്രി അധികൃതര് പറയുന്നത്.