തിങ്കളാഴ്ച ജില്ലയില്‍ 75 പേര്‍ക്ക് കൂടി കോവിഡ്; 91 പേര്‍ക്ക് രോഗമുക്തി

കാസര്‍കോട്: ജില്ലയില്‍ ഇന്ന് 75 പേര്‍ക്ക് കൂടി കോവിഡ് സ്ഥിരീകരിച്ചു. 67 പേര്‍ക്ക് സമ്പര്‍ക്കത്തിലൂടെയാണ് കോവിഡ് സ്ഥിരീകരിച്ചത്. ഇതരസംസ്ഥാനത്ത് നിന്നെത്തിയ എട്ട് പേര്‍ക്കും കോവിഡ് സ്ഥിരീകരിച്ചു. അതേസമയം 91 പേര്‍ക്കാണ് ഇന്ന് കോവിഡ് നെഗറ്റീവായത്. നിലവില്‍ 1511 പേരാണ് കോവിഡ് ചികിത്സയിലുള്ളത്.

വീടുകളില്‍ 4420 പേരും സ്ഥാപനങ്ങളില്‍ 555 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 4975 പേരാണ്. പുതിയതായി 284 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 166 സാമ്പിളുകള്‍ കൂടി പരിശോധനയ്ക്ക് അയച്ചു. 55 പേരുടെ പരിശോധനാ ഫലം ലഭിക്കാനുണ്ട്. 83 പേര്‍ നിരീക്ഷണ കാലയളവ് പൂര്‍ത്തിയാക്കി. 161 പേരെ ആസ്പത്രികളിലും കോവിഡ് കെയര്‍ സെന്ററുകളിലുമായി പ്രവേശിപ്പിച്ചു. ആസ്പത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 162 പേരെ ഡിസ്ചാര്‍ജ് ചെയ്തു.

19790 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. ഇതില്‍ 983 പേര്‍ വിദേശത്ത് നിന്നെത്തിയവരും 759 പേര്‍ ഇതരസംസ്ഥാനത്ത് നിന്നെത്തിയവരും 18048 പേര്‍ക്ക് സമ്പര്‍ക്കത്തിലൂടെയുമാണ് രോഗം സ്ഥിരീകരിച്ചത്. 18070 പേര്‍ക്ക് ഇതുവരെ കോവിഡ് നെഗറ്റീവായി.

ജില്ലയിലെ അഞ്ച് പേരുടെ മരണം കൂടി കോവിഡ് മരണമെന്ന് ആരോഗ്യവകുപ്പ് സ്ഥിരീകരിച്ചു. അജാനൂര്‍ പഞ്ചായത്തിലെ ഹരിദാസ് (58), കുംബഡാജെ പഞ്ചായത്തിലെ അബ്ദുല്ല (58), കാഞ്ഞങ്ങാട് നഗരസഭയിലെ കുഞ്ഞിപ്പെണ്ണ് (75), ബെള്ളൂര്‍ പഞ്ചായത്തിലെ പത്മനാഭ ബള്ളാല്‍ (72), ബേഡഡുക്ക പഞ്ചായത്തിലെ വിജയന്‍ നായര്‍ എ (47) എന്നിവരുടെ മരണമാണ് കോവിഡ് മരണമെന്ന് സ്ഥിരീകരിച്ചത്. ഇതോടെ ജില്ലയില്‍ കോവിഡ് ബാധിച്ചവരുടെ എണ്ണം 209 ആയി.

ഇന്ന് കോവിഡ് പോസിറ്റീവായവരുടെ തദ്ദേശസ്വയംഭരണ സ്ഥാപനം തിരിച്ചുള്ള കണക്ക് ഇങ്ങനെ:

അജാനൂര്‍-1
ബേഡഡുക്ക-1
ചെങ്കള-4
ചെറുവത്തൂര്‍-1
കാഞ്ഞങ്ങാട്-10
കാസര്‍കോട്-4
കിനാനൂര്‍ കരിന്തളം-5
കുറ്റിക്കോല്‍-2
മധൂര്‍-7
മടിക്കൈ-3
മഞ്ചേശ്വരം-1
മുളിയാര്‍-2
നീലേശ്വരം-25
പള്ളിക്കര-5
പിലിക്കോട്-2
പുല്ലൂര്‍പെരിയ-1
തൃക്കരിപ്പൂര്‍-1

ഇന്ന് കോവിഡ് നെഗറ്റീവായവരുടെ തദ്ദേശസ്വയംഭരണ സ്ഥാപനം തിരിച്ചുള്ള കണക്ക് ഇങ്ങനെ:

അജാനൂര്‍-6
ബദിയഡുക്ക-2
ബളാല്‍-2
ചെമ്മനാട്-3
ചെങ്കള-7
ചെറുവത്തൂര്‍-17
കള്ളാര്‍-1
കാഞ്ഞങ്ങാട്-7
കാറഡുക്ക-1
കാസര്‍കോട്-7
കയ്യൂര്‍ ചീമേനി-4
കിനാനൂര്‍ കരിന്തളം-1
കുമ്പള-1
മധൂര്‍-2
മംഗല്‍പാടി-4
മഞ്ചേശ്വരം-3
നീലേശ്വരം-7
പൈവളിഗെ-1
പള്ളിക്കര-6
പനത്തടി-3
പിലിക്കോട്-3
പുല്ലൂര്‍പെരിയ-1
പുത്തിഗെ-1
തൃക്കരിപ്പൂര്‍-1
ഉദുമ-1
വലിയപറമ്പ-1