ജില്ലയില്‍ 257 പേര്‍ക്ക് കോവിഡ്, 81 പേര്‍ക്ക് രോഗമുക്തി

കാസർകോട്: ജില്ലയില്‍ 257 പേര്‍ക്ക് കൂടി കോവിഡ് 19 പോസിറ്റീവായി. ചികിത്സയിലുണ്ടായിരുന്ന 81 പേര്‍ക്ക് കോവിഡ് നെഗറ്റീവായതായി ജില്ലാ മെഡിക്കല്‍ ഓഫീസര്‍ (ഹെല്‍ത്ത്) ഡോ.എ.വി. രാംദാസ് പറഞ്ഞു. നിലവില്‍ 2364 പേരാണ് കോവിഡ് ചികിത്സയിലുള്ളത്. ജില്ലയില്‍ നിരീക്ഷണത്തിലുള്ളത് 9373 പേര്‍ വീടുകളില്‍ 8894 പേരും സ്ഥാപനങ്ങളില്‍ 471 പേരുമുള്‍പ്പെടെ ജില്ലയില്‍ ആകെ നിരീക്ഷണത്തിലുള്ളത് 9373 പേരാണ്. പുതിയതായി 501 പേരെ കൂടി നിരീക്ഷണത്തിലാക്കി. സെന്റിനല്‍ സര്‍വ്വേ അടക്കം പുതിയതായി 2580 സാമ്പിളുകള്‍ കൂടി പരിശോധനയ്ക്ക് അയച്ചു. 719 പേരുടെ പരിശോധനാ ഫലം ലഭിക്കാനുണ്ട്. 673 പേര്‍ നിരീക്ഷണ കാലയളവ്. പൂര്‍ത്തിയാക്കി. 287പേരെ ആശുപത്രികളിലും കോവിഡ് കെയര്‍ സെന്ററുകളിലുമായി പ്രവേശിപ്പിച്ചു. ആശുപത്രികളില്‍ നിന്നും കോവിഡ് കെയര്‍ സെന്ററുകളില്‍ നിന്നും 81പേരെ ഡിസ്ചാര്‍ജ് ചെയ്തു. 34364 പേര്‍ക്കാണ് ജില്ലയില്‍ ഇതുവരെ കോവിഡ് സ്ഥിരീകരിച്ചത്. 31 678 പേര്‍ക്ക് ഇതുവരെ കോവിഡ് നെഗറ്റീവായി.